影片
更多
2023-02-05
58 瀏覽
星期日好早起咗身，見無嘢做，走咗過去九龍公園晨運。做完運動，一身鬆晒，又係時候去食晏，上網 Search下附近有乜好嘢食先。喺金巴利道搵到間新開嘅西餐廳，睇咗門口餐牌，價錢很經濟，一於試下。我哋點咗炒飯同意粉，另外再加咗兩款小食，原來午餐時段仲送熱飲，非常抵食。鐵板 XO 醬豬頸肉炒飯 ($56) 用料好豐富，送上時熱辣辣、香噴噴，飯粒乾爽分明，配料有洋蔥、紅蘿蔔絲和椰菜等。豬頸肉份量十足，食落爽滑彈牙又帶點油脂，用嚟配香口嘅炒飯，味道一流！另外呢客墨汁珍寶帶子炒意粉 ($70) 亦係人氣之選，帶子大大粒，煮至剛剛熟，質地好嫰滑，肉厚鮮甜。魷魚鬚煙韌有咬口，意粉軟硬適中，每條都沾滿了黑漆漆嘅墨汁，加上蟹籽作點綴，色香味俱全。小食點咗招牌生炸雞髀 ($32) 同 照燒金菇牛肉卷 ($35)。雞髀相當有重量，大小如手掌般，外皮炸得極之香脆，咬下有沙沙聲嘅脆口感，肉質鮮嫩又多汁。牛肉卷即點即製，上桌時肉香四溢，金菇爽口，牛肉煙韌，配上濃香嘅醬汁，好惹味。
喺金巴利道搵到間新開嘅西餐廳，睇咗門口餐牌，價錢很經濟，一於試下。
我哋點咗炒飯同意粉，另外再加咗兩款小食，原來午餐時段仲送熱飲，非常抵食。
鐵板 XO 醬豬頸肉炒飯 ($56) 用料好豐富，送上時熱辣辣、香噴噴，飯粒乾爽分明，配料有洋蔥、紅蘿蔔絲和椰菜等。豬頸肉份量十足，食落爽滑彈牙又帶點油脂，用嚟配香口嘅炒飯，味道一流！
另外呢客墨汁珍寶帶子炒意粉 ($70) 亦係人氣之選，帶子大大粒，煮至剛剛熟，質地好嫰滑，肉厚鮮甜。魷魚鬚煙韌有咬口，意粉軟硬適中，每條都沾滿了黑漆漆嘅墨汁，加上蟹籽作點綴，色香味俱全。
小食點咗招牌生炸雞髀 ($32) 同 照燒金菇牛肉卷 ($35)。雞髀相當有重量，大小如手掌般，外皮炸得極之香脆，咬下有沙沙聲嘅脆口感，肉質鮮嫩又多汁。
牛肉卷即點即製，上桌時肉香四溢，金菇爽口，牛肉煙韌，配上濃香嘅醬汁，好惹味。
張貼
