Mamaday (已搬遷) 新店位置

蜜汁香茅豬頸肉 $142個豬頸肉烤得啱啱好，食落好濃嘅蜜汁味，肉質好彈牙嫩滑咬落好juicy，就算唔洗點醬汁都好好食，而旁邊仲有沙律、柴魚冷烏冬、好大塊嘅炸蝦餅，份量好多好抵食。👍🏻海龍皇比薩 $268好大個龍蝦頭放係正中間位置好吸睛，Pizza個餅底係用左薄批，醬汁用左千島醬再配埋海鮮一齊食味道相當夾，pizza餡料好豐富有龍蝦肉、帶子、青口，pizza剛剛焗起熱辣辣，芝士可以拉到絲好邪惡，值得一試！有蟹Go又有蟹肉的蟹蟹蟹意大利扁麵 $145個意粉有驚喜一嚟到見到好多蟹籽、蟹柳同埋蟹肉，意粉好彈牙，食落好濃郁嘅蟹膏味，撈埋同意粉一齊食味道好夾，鍾意食蟹肉可以試吓😋。綠光蓋頂的八爪魚先生 $72呢個冷盤青醬八爪魚好fresh ，八爪魚一片片食落爽口彈牙，再配埋個海葡萄同火箭菜食好清新健康。飲品方面叫左我黑芝麻你個牛奶 $48黑芝麻味濃，飲落唔會太甜，有啲沙冰嘅感覺，啱晒宜家咁熱嘅天氣飲。天然紫薯唔太甜 $48紫薯味唔算太突出，味道唔會過甜。