居酒屋·姫 (已結業)

我地兩個太耐冇見，大家想坐低食下野，傾吓計。係尖沙咀搵到呢間居酒屋，門口簡約日式風格，入到黎好整齊，坐得幾舒服。輕井沢軟殻蟹芝士水菜卷，飯卷包得好好，夠實淨，咬落去飯粒軟綿綿，中間軟殻蟹好香脆，芝士creamy嘅感覺令成個飯卷，好有層次。巴馬火腿軟殻蟹野菜沙律卷，呢個菜好fusion，有咸香parma ham，用玻璃紙包住餡料，裏面有幾款蔬菜，清爽新鮮。阿波尾雞心、尾雞肝、雞頸肉、雞皮、二節翼，叫了幾款串燒啤啤佢，呢個係日本德島直送無激素雞，燒得幾好，唔會乾，雞翼有雞味。