影片
更多
2015-12-20
720 瀏覽
聖誕新年臨近，周圍都做緊大減假，唔買野點對得住自己？今日去尖沙咀血拼到筋疲力盡，想搵間餐廳好好坐低休息下，記起之前朋友介紹過呢間ClubNectionZ，話D窩夫唔錯，今日就同媽咪黎試下。餐廳位於諾士佛台一幢商廈既九樓，旺中帶靜。門口細細，推門而進，空間卻大大，有梳化位，坐得舒服。呢度既裝修雅致，燈光柔和，而且仲有好多叉電位，方便大家黎hea黎做野，又幾細心喎。天氣凍，我叫左一杯熱比利時朱古力奶，聽老闆介紹，係用比利時朱古力同鮮奶現煮而成，面頭仲有一層鮮忌廉。呷一口，非常香濃既朱古力味，夠幼滑，好堅，飲到我暖笠笠。媽咪無懼寒風，點左芒果沙冰，我偷飲一啖，味道唔係呂宋芒既甜味，反而係好香既台灣芒果味道，都唔錯，而且用燈膽樽上枱，夠晒cute。香蕉窩夫配雪糕，我揀左焦糖醬、夏威夷果仁雪糕。個窩夫好脆，除左因為烤得香脆之外，仲因為窩夫面頭有一層薄薄既脆糖，呢個甜度我接受，係幸福既甜味。據老闆講，佢地係改良左比利時既傳統recipe去做，傳統既比利時窩夫每塊要落20克糖，而佢地就將糖分減至15克，更適合港人口味。雪糕黎自新西蘭，有粒粒果仁，有咬口。媽咪叫既草莓窩夫配雪糕仲靚仔，前面兩粒細草莓切
餐廳位於諾士佛台一幢商廈既九樓，旺中帶靜。門口細細，推門而進，空間卻大大，有梳化位，坐得舒服。
呢度既裝修雅致，燈光柔和，而且仲有好多叉電位，方便大家黎hea黎做野，又幾細心喎。
天氣凍，我叫左一杯熱比利時朱古力奶，聽老闆介紹，係用比利時朱古力同鮮奶現煮而成，面頭仲有一層鮮忌廉。呷一口，非常香濃既朱古力味，夠幼滑，好堅，飲到我暖笠笠。
媽咪無懼寒風，點左芒果沙冰，我偷飲一啖，味道唔係呂宋芒既甜味，反而係好香既台灣芒果味道，都唔錯，而且用燈膽樽上枱，夠晒cute。
香蕉窩夫配雪糕，我揀左焦糖醬、夏威夷果仁雪糕。個窩夫好脆，除左因為烤得香脆之外，仲因為窩夫面頭有一層薄薄既脆糖，呢個甜度我接受，係幸福既甜味。據老闆講，佢地係改良左比利時既傳統recipe去做，傳統既比利時窩夫每塊要落20克糖，而佢地就將糖分減至15克，更適合港人口味。雪糕黎自新西蘭，有粒粒果仁，有咬口。
媽咪叫既草莓窩夫配雪糕仲靚仔，前面兩粒細草莓切到好似兩朵花咁，影相一流。草莓唔算好甜，但正好中和窩夫同雪糕既甜味。呢個係雲呢拿雪糕，無果仁，夠香滑，又係另一番好滋味。響度悠悠閒閒hea左兩粒鐘，元氣大恢復，又係時候出去繼續血拼！
張貼
