御老鍋台式火鍋 (已結業)

御老鍋台式火鍋🍲♨️……….又係打邊爐！作為打邊爐愛好者，不論甚麼四季天氣，都係打緊邊爐！今次去到一間位於尖沙咀君怡酒店一樓的御老鍋台式火鍋食午市優惠套餐(2人前)，套餐價$398，就夠兩個人食到飽哂！最緊要餐廳夠冷氣，環境光猛闊落，坐得舒服。餐廳採用了典型中式裝潢設計，感受到古色古香的風味😜………. 午市優惠套餐(二人前) $398•呢個午市優惠套餐係每日六時前供應。有三款湯底可以選擇，分別有秘製麻辣鍋、芫荽皮蛋豆腐鍋和蕃茄薯仔鹹排骨鍋。今次選擇了蕃茄薯仔鹹排骨鍋，湯底足料，職員會先建議飲用一碗湯，飲得出蕃茄薯仔的清甜和鹹排骨的香濃。然後就會上一大盤材料可在鍋裏烹煮，例如有雪花肥牛，豬肉片，芋絲，生菜，蛋餃，餃子，菇和肉丸，還有王子麵2個。份量足夠而且食物都夠新鮮，推薦蕃茄薯仔排骨湯，烹煮過的食物會份外鮮甜不感油膩😝……….💰人均 $219/per person (2人)