金牌小龍 (已結業)

Happy Friday去了尖沙咀飲酒食飯，平時落酒吧食西餐，今日轉轉新口味，先中後西。朋友帶了我去I square這間食台灣菜的金牌小龍。我們點了幾款比較出名的小食，醉雞用了雞比肉，所以完全無骨，花雕酒味濃香。蒸餃本身都預了外皮會較厚，但這個蝦肉蒸餃皮薄又煙韌，而且超爆汁，細細隻，正好一啖一隻。另外的爆汁豬肉餡餅同蒸餃一樣爆汁，最後等一等先食，裏面肉汁辣口，一咬即爆。台灣鹹酥雞炸得香脆，粒粒雞肉不油膩。朋友好辣，所以就試下米椒牛肉，我自己就辣到出汗，朋友都覺得有點微辣，牛肉走過油，所以很滑。一定要食的台灣紅燒牛肉麵，麵質雖然比較十腍，但牛肉湯底濃郁，牛𦟌炆至入口鬆化。本來想食豆沙窩餅，可惜無貨，只好食個芝麻包頂替一下，芝麻餡十足，甜而不膩，芝麻味香濃。