影片
更多
2023-06-21
1995 瀏覽
五月中迎來一年一度嘅媽媽節，之前已經同屋企人去飲茶慶祝咗（敬請期待之後嘅留家廚房飲茶篇），不過今個禮拜都想再食餐飯，於是我哋就去咗媽媽最愛嘅韓國菜，名家。 話說名家其實已經食過好多次，但以往咁多次都未試過韓燒，所以今次就決定試吓新嘢，揀咗佢哋嘅韓燒二人餐B。因為我同媽媽都比較細食，三個人食兩個人嘅set，其實都食到超級飽🤭 前菜同以往一樣，一共有六小碟，我哋今次就有醃芽菜、泡菜、木耳、沙律、薯仔沙律同菠菜。名家嘅泡菜真係好值得推介，大大片而且仲有醃過嘅發酵味，夠晒傳統😍 Set menu B精選美國牛肋骨（醃）S-Pure 五花腩片（無醃）鮮帶子（兩隻）及大蝦（兩隻）生菜盤（半份）炒牛肉粉絲（半份）人蔘雞湯 先講一下呢度嘅韓燒體驗，肉類上到嚟嘅時候，其實係未切過嘅，但職員會好好幫我哋切做細塊再燒。 醃咗嘅牛肋骨味道剛剛好，食到牛肉味，而且肉質唔會好韌，媽媽話好鍾意！五花腩片就啱晒加埋佢特製嘅醬汁，用生菜嚟包住嚟食。佢嘅辣醬好好味，加入咗蒜蓉、大醬、辣椒醬等，配合五花腩片嘅油脂，同生菜嘅爽口質感，食落真係超滿足🥰至於海鮮方面，大蝦同埋帶子都超級新鮮，大蝦仲好貼心咁已經開咗兩邊，燒完直接拆
話說名家其實已經食過好多次，但以往咁多次都未試過韓燒，所以今次就決定試吓新嘢，揀咗佢哋嘅韓燒二人餐B。因為我同媽媽都比較細食，三個人食兩個人嘅set，其實都食到超級飽🤭
前菜同以往一樣，一共有六小碟，我哋今次就有醃芽菜、泡菜、木耳、沙律、薯仔沙律同菠菜。名家嘅泡菜真係好值得推介，大大片而且仲有醃過嘅發酵味，夠晒傳統😍
Set menu B
精選美國牛肋骨（醃）
S-Pure 五花腩片（無醃）
鮮帶子（兩隻）及大蝦（兩隻）
生菜盤（半份）
炒牛肉粉絲（半份）
人蔘雞湯
先講一下呢度嘅韓燒體驗，肉類上到嚟嘅時候，其實係未切過嘅，但職員會好好幫我哋切做細塊再燒。
醃咗嘅牛肋骨味道剛剛好，食到牛肉味，而且肉質唔會好韌，媽媽話好鍾意！五花腩片就啱晒加埋佢特製嘅醬汁，用生菜嚟包住嚟食。佢嘅辣醬好好味，加入咗蒜蓉、大醬、辣椒醬等，配合五花腩片嘅油脂，同生菜嘅爽口質感，食落真係超滿足🥰至於海鮮方面，大蝦同埋帶子都超級新鮮，大蝦仲好貼心咁已經開咗兩邊，燒完直接拆肉就食得。大蝦肉非常鮮甜，肉質爽口，而帶子亦超級大粒，食落亦都好鮮甜，兩份海鮮都非常高質！
炒牛肉粉絲嘅份量唔算多，但對我哋嚟講就啱啱好，味道幾好，粉絲煙靭入味，但我哋就未必會再單點炒粉絲啦，因為整體都唔算係一道好特別嘅菜式🫣
人蔘雞湯係媽媽嘅最愛，入面嘅糯米煮到非常軟糯，湯底亦非常鮮甜，值得一提嘅係，名家係唔會係湯加入味精嘅，所以飲晒成碗都冇乜負擔！
冇諗過喺名家嘅韓燒體驗都會咁好，諗住母親節未必有位，琴日中午12點打過嚟，估唔到仲book到位即刻有得食。店員留俾我哋嘅位仲有無敵嘅尖沙咀景，加上店內嘅景觀開揚，透光度十足，座位之間亦都有一定嘅空間，所以媽媽真係超級鍾意喺度食嘢，話坐得夠晒舒服。名家絕對係我哋嘅韓國菜No.1！
PS 聽講過太古嘅名家係冇咁好食，而我哋都仲未試過銅鑼灣嘅名家，想試名家，建議大家去返尖沙咀店先🫣
張貼
