影片
更多
2021-10-08
86 瀏覽
話說近來成日喺屋企打「自家平靚正」邊爐，少出街食驚同行情市價脫節，所以就同女朋友去尖沙咀搵地方打邊爐（其實係某人唔想煮唔想洗😝），撞撞下就去咗呢間新舖，主打日本A5黑毛和牛，就試試佢。環境☑️☑️☑️☑️☑️呢個場並非任食任飲場，所以一入門口乾淨企理好多，連隔離枱客人傾計都淨過其他邊爐場（其他日子我唔知，戴定頭盔先！），加上當日早去安排到窗口位，所以坐得非常舒服。味道☑️☑️☑️☑️☑️當日叫咗招牌花膠響螺雞金鍋，配野生竹生松茸野菌鍋做鴛鴦鍋。個花膠響螺雞金鍋湯底好好飲，香甜補身！未打邊爐已經先飲3杯，搞到好快要加湯，唔係hardsell，堅推介前者湯底。當日個鍋上枱前，大約有10分鐘空檔時期，叫咗支盛田尾張男山大吟釀720ml嚟飲，chill下。支酒清醇唔辣，帶少少米香，雖然唔係一支驚天地 泣鬼神嘅清酒，但用來伴火鍋恰度好處，再者咁大支只係$168，仲想點！交到功課有餘。Menu上A5黑毛和牛總共有17款，價錢介乎$48-$128，當然無可能試哂，錢多咩！隨心點咗4道和牛，分別係三筋肉、牛頸、牛肩胛肉同封門柳，4款之中重點推介封門柳，牛味與𡁻口質感並重；第二是牛肩胛肉，牛味濃！其餘兩款都好味，只係無一、
環境☑️☑️☑️☑️☑️
呢個場並非任食任飲場，所以一入門口乾淨企理好多，連隔離枱客人傾計都淨過其他邊爐場（其他日子我唔知，戴定頭盔先！），加上當日早去安排到窗口位，所以坐得非常舒服。
味道☑️☑️☑️☑️☑️
當日叫咗招牌花膠響螺雞金鍋，配野生竹生松茸野菌鍋做鴛鴦鍋。個花膠響螺雞金鍋湯底好好飲，香甜補身！未打邊爐已經先飲3杯，搞到好快要加湯，唔係hardsell，堅推介前者湯底。
當日個鍋上枱前，大約有10分鐘空檔時期，叫咗支盛田尾張男山大吟釀720ml嚟飲，chill下。支酒清醇唔辣，帶少少米香，雖然唔係一支驚天地 泣鬼神嘅清酒，但用來伴火鍋恰度好處，再者咁大支只係$168，仲想點！交到功課有餘。
Menu上A5黑毛和牛總共有17款，價錢介乎$48-$128，當然無可能試哂，錢多咩！隨心點咗4道和牛，分別係三筋肉、牛頸、牛肩胛肉同封門柳，4款之中重點推介封門柳，牛味與𡁻口質感並重；第二是牛肩胛肉，牛味濃！其餘兩款都好味，只係無一、二位咁出色。
至於其他配菜，例如蝦滑、墨魚滑都好彈牙好味。講真成張單入面無一項食物係唔合格要扣分。由於當日仍然天氣好熱，所以叫多杯菠蘿梳打特飲，清爽涼浸浸，真係解暑。
性價比☑️☑️☑️☑️
當日點咗8個菜，1個鴛鴦鍋，1支720ml清酒同1杯特飲，價錢唔算係特別貴或者特別平，最後埋單$996兩個人食，我唔可以話好抵食，但喺尖沙咀食黑毛和牛火鍋，算平！其他地方絕對可以貴多3份1價錢。
盛田尾張男山大吟釀720ml
$168
2 瀏覽
0 讚好
0 留言
A5熊本黑毛和牛封門柳
$88
2 瀏覽
0 讚好
0 留言
A5熊本黑毛和牛三筋肉
$108
4 瀏覽
0 讚好
0 留言
A5熊本黑毛和牛肩胛肉
$58
4 瀏覽
0 讚好
0 留言
手打蟹籽墨魚滑
$48
2 瀏覽
0 讚好
0 留言
招牌花膠響螺雞金鍋配野生竹生松茸野菌鍋做鴛鴦鍋
$218
4 瀏覽
0 讚好
0 留言
菠蘿梳打特飲
$38
8 瀏覽
0 讚好
0 留言
張貼
