影片
更多
2023-07-15
339 瀏覽
Bingo & Cook📍尖沙咀麼地道37-41號港匯廣場地下17-20 & 31-34號舖難得約到朋友食飯，今次特登揀咗間新開嘅韓國菜分店聚餐，呢度嘅氣氛好有韓國地道特色，店員同食客都多韓國人，室外仲設有帳幕，加上餐廳喺係巷仔入面，所以真係有啲似去咗韓國。一坐低就上咗泡菜同前菜，個人特別欣賞佢個西蘭花，爽口之餘帶有淡淡香腸嘅香氣。我自己唔太受得辣，所以唔係太食到個泡菜，但食得辣嘅朋友表示唔辣好好食，所以如果你係食得辣嘅就務必試下個泡菜啦！ 💰$580醬油海鮮 (連飯) 🦀🦐一個醬油海鮮入面有2隻醬油蟹、2隻醬油蝦、3隻醬油扇貝、3隻醬油鮑魚，非常豐富。蟹肉蟹膏甘甜、蝦肉新鮮厚肉、扇貝鮮嫩、鮑魚彈牙，鍾意食海鮮嘅一定會食得好滿足。跟上嘅飯係紫菜飯，好重油香同芝麻香，有別一般嘅紫菜飯，佢有加入紅米，好味得嚟又健康。 💰$200醬油炒豬肉 🐖一般都食開辣炒乜乜，今次就試試醬油炒豬肉，估唔到都幾有驚喜！因為佢嘅醬油鹹中帶甜，豬肉雖帶脂肪但唔會油膩，味道偏重口味，配白飯食一流！除咗豬肉片，佢仲落咗洋蔥、大蔥同金菇菜炒，食落好夠鑊氣。 💰$145牛骨湯 🐄呢度牛骨湯同想像中有啲出入，因為無諗過佢
📍尖沙咀麼地道37-41號港匯廣場地下17-20 & 31-34號舖
難得約到朋友食飯，今次特登揀咗間新開嘅韓國菜分店聚餐，呢度嘅氣氛好有韓國地道特色，店員同食客都多韓國人，室外仲設有帳幕，加上餐廳喺係巷仔入面，所以真係有啲似去咗韓國。
一坐低就上咗泡菜同前菜，個人特別欣賞佢個西蘭花，爽口之餘帶有淡淡香腸嘅香氣。我自己唔太受得辣，所以唔係太食到個泡菜，但食得辣嘅朋友表示唔辣好好食，所以如果你係食得辣嘅就務必試下個泡菜啦！
[價錢 Price]
💰$580
醬油海鮮 (連飯) 🦀🦐
一個醬油海鮮入面有2隻醬油蟹、2隻醬油蝦、3隻醬油扇貝、3隻醬油鮑魚，非常豐富。蟹肉蟹膏甘甜、蝦肉新鮮厚肉、扇貝鮮嫩、鮑魚彈牙，鍾意食海鮮嘅一定會食得好滿足。跟上嘅飯係紫菜飯，好重油香同芝麻香，有別一般嘅紫菜飯，佢有加入紅米，好味得嚟又健康。
[價錢 Price]
💰$200
醬油炒豬肉 🐖
一般都食開辣炒乜乜，今次就試試醬油炒豬肉，估唔到都幾有驚喜！因為佢嘅醬油鹹中帶甜，豬肉雖帶脂肪但唔會油膩，味道偏重口味，配白飯食一流！除咗豬肉片，佢仲落咗洋蔥、大蔥同金菇菜炒，食落好夠鑊氣。
[價錢 Price]
💰$145
牛骨湯 🐄
呢度牛骨湯同想像中有啲出入，因為無諗過佢係牛𦟌加牛骨湯底嘅麵，雖然唔係一向食開好香濃嘅原枝牛骨湯，但個麵好順口，朋友食嘅牛𦟌亦好淋身無筋，都值得一試嘅。
[價錢 Price]
💰$198
蜂蜜黃油炸雞 (全份) 🐓
全份嘅蜂蜜黃油炸雞份量比想像中少，雞件帶骨，件數亦唔算大，但味道都唔錯，外皮炸得金黃香脆，滿滿嘅牛油蜂蜜味。我食咗一件雞胸肉，雞肉有汁唔鞋口，唔係食過最好食嘅韓式炸雞，但有想二刷嘅衝動。
[價錢 Price]
💰$65
吞拿魚紫菜包飯 🍱
全部菜式入面我最鍾意呢個吞拿魚紫菜包飯，因為食過咁多次韓國菜都好似無食過吞拿魚，覺得幾新穎！飯卷有酸瓜、紅蘿蔔絲、青瓜絲同主角吞拿魚，飯量適中，食晒成條都唔會過飽，當做主食或多人share食都好啱！
[價錢 Price]
💰$42
西柚碳酸水 🍹
西柚味極濃，唔鍾意酸味飲品嘅未必接受得到，但鍾意嘅大概會愛上佢清新嘅西柚味。
張貼
