Whatever Bar & Restaurant (已結業)

依間酒吧餐廳係正海港城Hermes對面，位置好方便，行完街就可以順便上去飲杯野放鬆一下～餐廳以黑色為主調，最signature係佢地係酒吧位置掛上一個寫住「人間煙火」既霓虹燈牌。周圍掛有潮流畫作，仲會見到唔少Bearbrick既踪影。除了室內位置，依度仲有露天戶外座位，門口更設有一個打卡位。餐廳仲不時播放著耳熟能詳既外國歌曲，環境氣氛都唔錯。❀ 烤春雞配炸薯條即叫即焗，一上枱就聞到好香既烤雞味，而且份量好多。餐廳將雞切開兩份，所以會見到好多肉汁湧出來。雞皮烤得香脆，肉質亦好嫩滑。旁邊仲配有薯條及沙律，前者沾有辣味粉，微辣又炸得香脆，而後者配埋黑醋汁，酸酸甜甜好解膩❀ 香煎蟹餅有香濃蟹味既煎蟹餅，下面有塊烘得香脆既麵包，夾埋一齊食味道好夾，鹹度適中。每啖都食到新鮮既蟹肉，旁邊仲配有酸甜開胃嘅他他醬及新鮮既蟹籽沙律❀ 水信玄餅配雜莓醬晶瑩剔透，入面仲配有草莓及藍莓粒粒。依度既水信玄餅同出面餐廳食既好唔同，配有香濃既雜莓醬及清酒，味道好特別，清酒會中和甜味，中意飲sake既你不妨試下依個甜品✨ Signature Cocktail❀ Bubble Bee (yellow)由菠蘿、荔枝味酒、接