夜首爾

營業中

休息中

位於尖沙咀寶勒巷「夜首爾」，正宗韓國人處理，餐廳食物選擇全面，朋友們如果仲未安排到時間去韓國旅行，嚟呢度食番餐絕對可以頂到一下韓國癮嘅地方。只要你諗到嘅，呢度都差不多有齊，嘅有韓國直送醬油蟹，亦有部隊鍋、大醬湯、烤牛腸/胃等經典菜式，當然亦有各式韓國料理及本人最愛嘅BBQ啦。另外，仲有一人餐供應添。今次我選擇了食韓燒，最like 佢哋的前菜，就已經有很多款，睇見已經超開心。主食方面我㸃了必食嘅《厚切五花腩》（＄180），有四條，肥瘦均勻，豬腩肉質及味道很夠鮮味。仲有我至愛嘅《牛舌》（$150）。同樣肉質鮮味，牛舌肉更加爽彈而味甘香，口感極佳，本人超鍾意。個人喜好，食燒肉一定要有啤酒，所以追加了二枝韓啤（$38），咁先至夠喉。餐廳亦供應很多不同韓國傳統燒酒及．米酒等。本來專登選4㸃非繁忙時段入座，不過發現餐廳內仍頗多人客。果然食物質素佳，自然有捧埸客。下次要再來食烤牛腸/胃。