海皇粥店 (樂道) (已結業)

想清下腸胃，食粥就最啱，海皇粥店係必選粥店。我地叫咗兩個及第粥餐 $54@呢碗粥用料十足，鮮肉丸、肉片、豬心、粉關、豬肚、豬肝一應俱全。粥底煲得好綿滑，唔會過頭黐口。啲內臟處理得啱啱好，完全冇腥味，豬肝嫩滑，豬肚有嚼勁，肉丸鮮味十足，咬落去仲有啲肉汁滲出嚟，食完一碗都唔係幾夠喉😆油菜生菜新鮮爽脆，配蠔油最好食。炒麵炒得乾爽，配埋啲豆芽同蔥，調味剛好，食落去好滿足。炸腸 $29蘸少少粥嚟食，真係絕配。熱豆漿 +$6豆漿香濃，飲落去好舒服，唔鐘意太甜嘅我就啱晒。