影片
更多
2022-06-08
47 瀏覽
又食四川野🙈以前大學時期係尖東附近冇咩好野食，今次經過麼地道見到有間新開嘅麻辣川菜餐廳，又有酸菜魚又要麻辣乾鍋(未食過)，就諗住試下。店舖都唔細，坐得幾舒服主打四川菜，除左乾鍋同酸菜魚，亦有水煮菜，同多款小炒涼菜，而且有午市同晚市套餐。整體味道同份量都唔錯，臭屁熊同我食到好飽，不過價錢偏貴少少🤏🏻_➤招牌酸菜魚🌶🐟$208酸菜魚熱辣辣，份量幾多，魚肉肉質嫩滑，有魚味唔腥，少少骨。湯底酸辣，調味唔錯，可以再辣少少，整體偏酸，酸味温和，入口舒服，幾開胃，唔會好口渴。但套餐唔跟白飯，只有寛粉，不過可以另外叫碗白飯。另外亦有雲耳，芽菜，酸菜、芫荽、萵荀等配菜➤香辣蜆乾鍋🌶🍲$99+$137自選乾鍋有七款選擇，有蝦、鮑魚、蟹、蜆、螺同肥腸。鍋底分別有香辣、麻辣、孜然同蔥爆;而辣度則任君選擇，微辣、小辣、中辣、大辣、火爆辣。揀好鍋底同辣度，就可以揀配菜，有肉類海鮮同素菜，要另外加錢，至少揀4樣配菜，最多12款。種類多達60款以上，約$20起，梗有一款啱食我哋今次揀左孜然鍋底嘅香辣蜆乾鍋，配菜叫左豬頸肉(+$40)、雞肉(+$40)、炸豆腐(+$27)同金針菇(+$30)。唔係好食辣嘅臭屁熊就揀左微
主打四川菜，除左乾鍋同酸菜魚，亦有水煮菜，同多款小炒涼菜，而且有午市同晚市套餐。整體味道同份量都唔錯，臭屁熊同我食到好飽，不過價錢偏貴少少🤏🏻
_
➤招牌酸菜魚🌶🐟$208
酸菜魚熱辣辣，份量幾多，魚肉肉質嫩滑，有魚味唔腥，少少骨。湯底酸辣，調味唔錯，可以再辣少少，整體偏酸，酸味温和，入口舒服，幾開胃，唔會好口渴。但套餐唔跟白飯，只有寛粉，不過可以另外叫碗白飯。另外亦有雲耳，芽菜，酸菜、芫荽、萵荀等配菜
招牌酸菜魚
$208
4 瀏覽
0 讚好
0 留言
➤香辣蜆乾鍋🌶🍲$99+$137
自選乾鍋有七款選擇，有蝦、鮑魚、蟹、蜆、螺同肥腸。鍋底分別有香辣、麻辣、孜然同蔥爆;而辣度則任君選擇，微辣、小辣、中辣、大辣、火爆辣。揀好鍋底同辣度，就可以揀配菜，有肉類海鮮同素菜，要另外加錢，至少揀4樣配菜，最多12款。種類多達60款以上，約$20起，梗有一款啱食
我哋今次揀左孜然鍋底嘅香辣蜆乾鍋，配菜叫左豬頸肉(+$40)、雞肉(+$40)、炸豆腐(+$27)同金針菇(+$30)。唔係好食辣嘅臭屁熊就揀左微辣，本身見到面頭有好多辣椒、八角等香料，以為好辣，點知食落都接受到，下次可以再揀辣少少。一上菜個煲大到嚇親我地，份量好足，豬頸肉多到食極都仲有，爽口唔靭，蜆大概有二十幾隻，有肉地，冇食到沙，但有幾隻冇完全開哂口，炸豆腐同金針菇好入味，香辣惹味，送飯一流，唔會好油膩，啲辣油沉哂底，由於個量太多最後要肌肉熊包底😂😂
香辣蜆干鍋
$236
5 瀏覽
0 讚好
0 留言
➤嫲嫲酸菜臘肉炒飯🍚$76
味道不過不失，主要因為酸菜魚同香辣蜆乾鍋都比較重口味，所以叫多咗個炒飯，配飯食冇咁膩同單調
嫲嫲酸菜臘肉炒飯
$76
8 瀏覽
0 讚好
0 留言
➤飲品有比較特別嘅土耳其飲品，不過最後都係叫咗豆漿解辣😂
_
🍽味道指數:★★★★☆
📷環境指數:★★★☆☆
🛎服務指數:★★★★☆
💰抵食指數:★★★☆☆
😋推薦指數:★★★★☆
📍嫲嫲辣辣
尖沙咀漆咸道南61-65號首都廣場地下5至8及22號舖
📍其他分店:
尖沙咀厚福街9號地下J1號舖
深水埗福榮街105號地下
張貼
