影片
更多
2024-05-17
30 瀏覽
今天同朋友去尖沙咀行街睇戲，到食晚飯時就係附近搵吓嘢食，尖沙咀都有好多食物店，我朋友話記得附近有間好食又抵食嘅餐廳，這間餐廳叫極上冰室，位於尖沙咀漆咸道南41-45地舖，尖沙咀東地鐵站P3出口，行幾分鐘就到，非常方便。極上冰室門外招牌好亮，令人一眼就望見這間餐廳，餐廳內空間都好寬敞，亦裝修得好靚好整潔，室內都有招牌寫住歡迎來極上冰室，光度十足，牆上亦有冰室食品畫來推介俾大家，整得都幾靚，而座位都坐得令人舒服，尤其是卡位，餐廳員工亦有禮貌，服務態度好，來這裏食都唔錯。餐牌都有很多種食品款式選擇，早上7:00-11:30有營養早餐及歐陸風情餐，11:30-22:00有常餐，全日有港式風情三文治及多士，14:00-18:00有下午茶及歐陸風情餐，而11:30後供應有湯飯、粉麵飯、極上十二味套餐、極上小菜、馬來咖喱、小食、飲品、特飲，真係好多食物選擇，尤其是極上小菜好吸引又好抵食，有三種小菜，鑊氣小炒、煲仔類、蒸類，加多$12可轉做套餐，包括有埋白飯、例湯同平飲品，而且亦可變成二人套餐及四人套餐，睇餐牌入面食物照片見到都好靚，價錢又唔貴，真係抵食。我哋就叫咗極上十二味嘅黃金蝦球和豉椒炒鮮魷套餐
餐牌都有很多種食品款式選擇，早上7:00-11:30有營養早餐及歐陸風情餐，11:30-22:00有常餐，全日有港式風情三文治及多士，14:00-18:00有下午茶及歐陸風情餐，而11:30後供應有湯飯、粉麵飯、極上十二味套餐、極上小菜、馬來咖喱、小食、飲品、特飲，真係好多食物選擇，尤其是極上小菜好吸引又好抵食，有三種小菜，鑊氣小炒、煲仔類、蒸類，加多$12可轉做套餐，包括有埋白飯、例湯同平飲品，而且亦可變成二人套餐及四人套餐，睇餐牌入面食物照片見到都好靚，價錢又唔貴，真係抵食。
我哋就叫咗極上十二味嘅黃金蝦球和豉椒炒鮮魷套餐，極上小菜鑊氣小炒嘅乾煸四季豆和黑椒牛柳粒炒碎肉瓜，同埋小食甜品嘅炸雙皮奶，飲品就選咗檸檬蜜、利賓納和杏仁霜。首先上枱係熱辣辣嘅例湯，紅湯是羅宋湯，中湯是青紅蘿蔔湯，紅湯嘅濃調度適中，中湯唔咸唔淡夠晒味，兩種湯都好飲，跟住來是兩杯飲品檸檬蜜和利賓納，兩杯飲品都少甜好飲，尤其是檸檬蜜解油膩一流，好配合吃餐。
黃金蝦球份量都唔少，未落枱已經聞到香噴噴味道，有大量鹹蛋黃粒粒，好香鹹蛋黃味，啲蝦都好大隻，食落口非常鬆脆彈牙，又唔油膩，連埋啲生菜絲食非常好食，豉椒炒鮮魷份量亦唔少，鮮魷又係好大嚿好爽滑，豉椒味好濃郁超惹味，同飯好配合，蝦同魷魚都好新鮮，食物質素都幾高。黑椒牛柳粒炒碎肉瓜份量多，牛柳粒肉質鮮嫩，好有牛肉味，碎肉瓜片片都爽囗，連埋香辣惹味黑椒汁，更是美味無比，乾煸四季豆是著名嘅川菜，配合蒜頭、薑、蔥、辣椒、碎肉來炒，四季豆炒得好乾身爽點，好惹味又不太油膩，只有少少嫩，亦送飯一流。最後吃埋小食嘅甜品炸雙皮奶同埋飲品嘅杏仁霜，炸雙皮奶個皮面好香脆，入邊好重奶味，外脆內軟，甜度啱啱好，而杏仁霜亦好夠杏仁味，又唔濃唔淡，亦都唔太甜好飲，亦都好配合食完飯食嘅甜品。
這間冰室餐廳好值得推薦俾大家，食得好滋味又好抵食，價錢又唔貴，每道菜份量都足夠，讓食客吃得盡興滿足，我哋下次都會再來食其他嘅食品及飲品。
張貼
