好川好菜 (已結業)

呢排十分低氣壓想食D辣野發洩下，朋友就提議黎呢間好川好菜，貪佢夠晒就腳，一出地鐵站就見到。🥢酸菜生猛桂花魚（小）$238要數川菜中的代表不得不提酸菜魚，呢度嘅酸菜魚可選擇龍躉或桂花魚，今次就揀咗比較傳統嘅桂花魚，桂花魚肉質嫩滑，湯頭酸辣度調教得剛好，非常開胃，而吸收左湯汁嘅薯粉更加係精華所在。🥢麻辣海蜇手撕雞$108海蜇爽口彈牙，手撕雞肉質細嫩，味道麻重於辣，吃得十分過癮。🥢招牌好川涼麵$58幼麵伴上芝麻、蔥花、炸蒜、蝦乾、口水汁，麻中帶香，非常惹味。🥢擔擔面$48擔擔面則比較普通，可能之前幾道菜味道都比較突出，呢個食起上嚟味道淡左少少。後記：不得不讚呢度嘅服務，親切有禮之餘亦會經常主動斟茶加水，裝潢亦十足中國風，有如置身於古代。