三餐冰室

營業中

休息中

身為常餐之鬼終於要出第❶個常餐POST啦！唔知有冇朋友同我一樣次次去茶記最想食嘅都會係常餐A，唔要通粉只要米粉，炒蛋，檸茶走甜，缺一不可。咁啱經過位於尖沙咀嘅＼三餐冰室／就去試下佢。炒蛋多士🍳可以揀雙蛋/腿蛋/腸蛋，今次我揀咗炒雙蛋。炒蛋食落似冇加cream/奶，好純粹嘅蛋味，感覺健康啲。多士係兩塊厚身多士嚟，幾有誠意，略嫌唔夠脆仲可接受～火腿米粉🍜望落好似淡矛矛冇味但食落個湯底都ok，比較清，唔會食完好口渴。沙嗲牛麵🍜男朋友食嘅沙嗲牛麵牛肉頗多，沙嗲醬食到有花生粒粒，唔錯。常餐$48凍飲加$3。價錢可算接受。