Seafood Stand (已結業)

安格斯牛堡 跟餐$58安格斯牛好有肉汁，好juicy! 而且又唔會煎到太硬太實，好正啊！加上洋蔥、蕃茄、生菜、芝士的配搭，可以解除油膩感同罪惡感！漢堡包皮亦有稍微煎過，鬆軟好吃！漢堡嘅份量絕對唔少，厚厚的，要用手夾在一起先可以一口咬！另外，喜歡他們將漢堡放在紙袋内，免得啲肉汁配料等邊食邊跌，就算女仔食也不失儀態。跟餐的好處就是有埋薯條和汽水。薯條都是現炸的粗身薯條，好味！上菜時熱辣辣，薯條又炸得恰到好處，不會過度。再配上蠔味蛋黃醬，充滿蠔嘅鮮味啊！好正，推介！水牛城雞翼 $38有兩件雞鎚兩件雞翼，充滿醬汁，本身嘅醬汁有少少辣，再點上附送嘅酸酸地嘅醬汁，好好味！有水牛城風味！碟內亦有兩條青瓜和甘筍，可以解一解膩。