影片
更多
2021-09-06
16 瀏覽
Katsu Chicken Curry Fried / Swiss-Italian Cheese Fondue Momo $98尼泊爾菜係啲乜 其實我都唔知 不過目光就先被呢款望落似餃子似小籠包嘅Momo吸引Momo係呢間尼泊爾餐廳嘅兩款signature dish之一 可以當佢係整法、用餡、醬料都有特色嘅餃子 睇menu會見到幾colorful嘅賣相五顏六色 我試嘅兩款分別係吉列咖喱雞同芝士吉列雞肉係煎炸煮法 會香口啲 咖喱醬就另外用細碟上 份醬配得唔錯 幾好食 而咖喱之外嘅另一款專屬配醬係辣醬 辣度頗低至於芝士Momo就另一番口味 皮似有一定厚度嘅小籠包皮 餡係幾實淨下嘅芝士 配醬係他他醬 呢款比較乾身 配醬食好食啲你會見唔同口味嘅Momo都有相應嘅專屬醬料 幾有誠意 上枱果陣店員都有介紹返咩醬配邊一款 加上色彩繽粉嘅賣相 睇得又食得 我個人就幾鍾意吉列咖喱雞口味Fire in the Hole – Lamb Roll $108好奈無食東南亞風味嘅羊肉卷先要提一提 我揀呢款係menu寫嘅super spicy系列 落order果陣店員問我食唔食得辣 我問係咪very spicy 佢
Katsu Chicken Curry Fried / Swiss-Italian Cheese Fondue Momo $98
尼泊爾菜係啲乜 其實我都唔知 不過目光就先被呢款望落似餃子似小籠包嘅Momo吸引
Momo係呢間尼泊爾餐廳嘅兩款signature dish之一 可以當佢係整法、用餡、醬料都有特色嘅餃子 睇menu會見到幾colorful嘅賣相五顏六色 我試嘅兩款分別係吉列咖喱雞同芝士
吉列雞肉係煎炸煮法 會香口啲 咖喱醬就另外用細碟上 份醬配得唔錯 幾好食 而咖喱之外嘅另一款專屬配醬係辣醬 辣度頗低
至於芝士Momo就另一番口味 皮似有一定厚度嘅小籠包皮 餡係幾實淨下嘅芝士 配醬係他他醬 呢款比較乾身 配醬食好食啲
你會見唔同口味嘅Momo都有相應嘅專屬醬料 幾有誠意 上枱果陣店員都有介紹返咩醬配邊一款 加上色彩繽粉嘅賣相 睇得又食得 我個人就幾鍾意吉列咖喱雞口味
Fire in the Hole – Lamb Roll $108
好奈無食東南亞風味嘅羊肉卷
先要提一提 我揀呢款係menu寫嘅super spicy系列 落order果陣店員問我食唔食得辣 我問係咪very spicy 佢就話medium 而實情係會食到流汗 唔食得辣嘅朋友不宜挑戰
講返份肉卷 我一般都會揀羊肉餡 純屬個人喜好 而呢份羊肉卷都落重料 最先留意到係圍喺皮邊嘅蛋蛋 比較少見 另外除咗足料羊肉同埋分辨唔到嘅重口味配菜 食食下發現仲有薯條係當中 有幾分彩蛋嘅感覺
如果兩個人嚟share一份Momo一份Roll應該都夠食 咁耐無食呢種重口味野我覺得幾正 而且啲嘢食幾有特色 食得西餐多不妨試下呢啲小眾風味
Orange Blossom $42
叫咗杯orange口味嘅mocktail試下 呢度嘅mocktail全部用透明罐包裝 自己係堆冰當中揀款 有一兩片真orange係入面 感覺無汽 亦都唔甜 中和返重口味嘅嘢食啱哂
張貼
