MAMTOM

MAMTOM係香格里拉酒店附近一間特色餐廳，十分有氣氛，本身以為位置偏僻會少人，點知都幾多客人！！講咗幾款嘢食，overall 都幾令人滿足。Coconut smoothie ：椰子味好濃郁，入口感覺清爽宜人，甜度適中，不會過於甜膩。 喺享用口味較重的菜餚後飲用，正好可以平衡味蕾。 烤西冷排：經過炭燒烹調，外面焦脆，肉質結實，仲有唔少肉汁，份量亦都好令人滿意。雖然唔點醬就食到原汁原味，配埋醬就令到味道更豐富，可以提升風味，其中一個醬非常清新，另一款醬汁就香辣中帶點酸味，令牛扒味道更有層次。榴槤糯米飯配椰子雪糕：榴槤味雪糕勁濃味，有真材實料嘅感覺。表面有大量花生碎，底部仲有椰汁糯米飯，配搭好特別，可以增加口感。Pho Bo Wagyu: 口感彈牙嘅河粉（雖然佢話自己係rice noodles），完美吸收用慢煮24小時嘅牛肉湯，加上我哋add on 嘅牛骨髓，濃烈嘅牛肉味令人忍唔住想飲哂所有湯，加上牛肉片夠鮮嫩同飽肚。另外仲有叫到DIY，想知咩嚟嘅朋友可以自己去親自叫下🤭🤭我最鍾意佢有鮮菠蘿喺呢個經典前菜到。不得不提佢嘅服務態度真係一流，會同客人閒聊一下、教下你點食，相當熱情。