上州一頭和牛燒肉 (已結業)

去美麗華附近工作，想快快脆脆食過快飯但又唔想食茶記，竟然見到有間食燒肉丼飯食！門口雖然唔太顯眼，但係入到環境幾舒服店內俾QR CODE，自己手機落單！因為想快就揀咗燒肉丼飯...可惜45分鐘午飯時間，如果有多餘時間都想食燒肉拼盤，旁邊幾枱食緊，真係好香揀咗泡菜豚肉石鍋飯，入口好惹味可口，石鍋飯有少少飯焦底(有驚喜嘅)。泡菜唔係單單只有辣味，帶有少少甜，好好味。為咗消消暑，加錢升級咗餐飲荔枝西柚水果茶，有3款不同茶底自己選擇，茶入面另加入不少新鮮水果，有西瓜、橙、火龍果、蘋果等等，唔似罐頭嘢，有心思！未上飯前店內都有叫我去自助區拎啲沙律，可惜因為忙住做野，未拎到，下次一定要試！