六合小廚 (已結業)

早兩日喺尖沙咀買完口罩，由於太肚餓嘅關係等唔到返屋企食，於是乎就睇吓尖沙咀附近有啲咩小菜，結果搵到呢一間佢哋嘅小菜選擇非常非常之多，多到有啲驚訝，而且喺尖沙咀來講個價錢絕對合理，甚至乎比起市區以外價格更低椒絲腐乳通菜，份量不少，絕對足夠三四人份量，而且鑊氣十足，有驚喜天氣寒冷，適合點一個胡椒豬肚湯，胡椒味道十足，湯底足味，而且豬肚份量同樣多，呢間餐廳比我嘅感覺已經係大件夾抵食咖喱牛腩煲，咖喱汁非常香濃惹味，而且牛腩肉質軟淋，非常適合送飯，薯仔份量同樣多，呢一餐絕對飽肚而歸