泰Grill (恆隆銀行大廈) (已搬遷) 新店位置

尖沙咀新開70s Food Court，入面裝修簡單得黎又好有華麗嘅感覺、復古既味道。泰Grill由泰北廚師主理，估唔到係Food Court都有咁出色既泰國菜食，性價比仲要好高😋平時喺尖沙咀食得韓國菜多，依家有多個正宗既泰國菜食，真係要黎試下👏🏻🥗青木瓜沙律 $55好大碟，有靑木瓜絲、蘿蔔絲、豆角同車厘茄，食落酸酸甜甜，係一道好開胃嘅前菜👍🏻🧆豬頸肉 $68肉質爽口同埋好大塊，好鐘意個醬汁，加左辣椒粉，令到成塊豬頸肉既肉汁再昇華，更加有口感，但擺盤可以再擺靚啲😂🍍菠蘿 (一份兩串) $25哩度啲串燒CP值好高，$25仲要兩大串真係好少見，菠蘿夠大粒又Juicy，不過避免唔到去係有少少酸既😆🥬飛天通菜 $58加左豆豉炒既通菜更入味，因為通菜唔係最近既seasonal，以為啲菜會好老，點知ok wo，一啲都唔老，都幾新鮮。🐠泰式明爐魚 $198推介🌟 個湯底好吸引，係冬蔭公湯底，酸酸甜甜又辣辣地好開胃，好啱最近咁凍既天氣食！明爐魚上面加左大量既泰式辣味甜酸醬，我勁鐘意哩個醬，配搭個魚食特別鮮嫩😚🍝泰式炒金邊粉 $75有大蝦、豆腐乾、芽菜、韭菜等配菜，加少許青檸汁後金邊粉既甜酸味會更突出。