高麗軒韓國料理 (已結業)

突然好想食韓燒，於是約埋朋友嚟尖沙咀的「高麗軒韓國餐廳」食韓燒放題😋😋餐廳主打韓式燒肉🔥，有齊牛肉、豬肉、海鮮、韓式小菜、一品料理同石鍋飯等選擇！每次嚟都keep住有水準，值得回訪❤️❤️-🍱晚市韓燒放題(90分鐘) $278/位✨我地加咗($38)升級套餐，可以任食加拿大prime雪花牛、3A雪花牛、帶子、帆立貝、羊架同紅炆牛肋骨～十分抵！！加拿大prime雪花牛🐮入口即溶，啖啖油脂香！鹽燒牛舌都唔錯，口感軟嫩juicy🤤🤤另外仲有薄切牛板腱、特級牛頸肉、牛仔骨、黑毛豬腩、雞肉等可以任食，啱哂各位食肉獸～～海鮮方面，包括有海虎蝦、青口、魚柳、秋刀魚、鮮魷魚等～全部都好新鮮！而我地就瘋狂encore帆立貝同帶子，肉質爽彈鮮甜👍🏻👍🏻除咗燒肉，我地仲叫咗他他牛肉、海鮮煎餅、蛋包蝦、牛肋骨湯等試試～～他他牛肉調味啱啱好，加入蛋黃後口感更軟滑！而海鮮煎餅係我至愛🍳，咬落外脆內軟、好香口😋😋佢地的湯品都好出色㗎！牛肋骨湯濃郁清甜，裡面仲有大大舊的牛肋骨～～另外仲試咗人蔘雞湯，味道都唔錯！鍾意食韓燒的朋友要試試呢😍😍