泰豊廔酒家

營業中

休息中

朋友介紹黎呢間懷舊餐廳試下😄有兩碟前菜，睇落似泡菜，但食落又唔似泡菜，味道都幾好👍叫左火腿津白，清清地幾好。三鮮湯，都幾多料，湯既味道都唔錯。仲有d菜可以食🤣🤣小籠包大大隻，皮唔係薄個種、都幾厚，都有湯汁，睇下個人喜好鐘唔鐘意啦。叫左半份片皮鴨，職員會係你面前切！佢地呢到既皮係偏厚既，都幾特別第一次食😁都係睇個人喜好，鐘意厚皮既人會鐘意。鴨就正常，不過不失、正常發揮。高力豆沙叫左細份（8粒），味道ok，餡唔算有好多，個皮口感都唔錯。覺得一人食一粒都夠，最後食唔哂要打包。呢到既野食有得揀細、中、大，我地人少全部都揀哂最少既份量。呢種餐廳幾有特色，好岩大時大節一家人黎食。