王子牛腩牛雜粉麵專家

營業中

休息中

尖沙咀普遍物價都比較高，難得搵到一間都幾抵食嘅牛腩河，牛三寶嚟講六十幾我覺得好滿意，舖頭新開張仲可以用優惠價錢加埋其他小食，最後都冇後悔加咗，推薦俾大家！下次再嚟應該會試吓佢唔同煲仔，見到隔離枱食好正。‣ 牛三寶 $65呢個價錢真係超級值，牛腩相當之香，食落口又唔會有牛嘅羶味，而且佢嘅牛筋超級大條，佢嘅一條牛筋就等於其他舖頭嘅三條。而佢嘅牛肚都超級大塊，食嘅時候都好爽口，超級足料嘅三寶河。建議大家可以加少少佢哋嘅辣油，香口而且夠晒辣，超級過癮。‣ 炸雲吞 ＋$15超級推薦俾大家！用咗優惠價加咗炸雲吞同埋蝦餅，啲雲吞都係自家製同炸，炸到脆卜卜再加埋泰式辣醬真係冇得輸。兩粒真係唔夠喉，下次我應該會嗌一碟自己食。‣ 炸蝦餅佢哋嘅炸蝦餅都相當之爽口彈牙，好有平時去泰國餐廳食嘅風味，兩件炸物嚟講我比較私心自家製嘅炸雲吞。‣ 油菜食牛腩河真係唔可以冇咗油菜，嗌咗蠔油菜心，細細份一個人食啱啱好，啲菜都好新鮮。‣ 紅豆冰 ＋$15佢嘅杯一啲都唔小氣，椰汁都夠晒香，啲紅豆嘅份量亦都啱啱好，飲嘅時候覺得超滿足。