船皇 (厚福街) (已結業)

今日放工嚟到厚福街諗住求其搵一間餐廳食飯，見到依間船皇係食泰式湯麵，價錢相宜，自己又冇試過，就入去試試餐廳環境 (L字形):門口位有玻璃櫥窗，可以見到廚師煮食。Menu:睇完個menu, 我哋嗌左一個湯麵、一個撈麵，麵質有四款選擇。我地揀左比較特別嘅蛋麵同埋金邊粉。1. 船皇湯麵 $58懶人唔想諗要咩配料，最好就係order個大雜燴，依碗配料相當豐富，有豬有雞有牛，口感有一定層次首先船麵湯底一上枱就好吸引，湯底濃郁，味道有少少似肉骨茶，飲落幾舒服，好有風味！金邊粉索晒湯嘅精華，加埋八款唔同嘅配料，食落非常滿足！2. 雞翼雞絲撈蛋麵 $48蛋麵相比起湯麵比較彈牙，食落口感完全唔同！本身驚撈麵有啲乾，但依碗完全唔會，而且調味適中。如果驚撈麵唔夠醬料，可以自行再加魚露。3. 串燒: 魷魚鬚 + 沙嗲雞肉豬肉牛肉 魷魚鬚串配左店舖秘製嘅泰式辣醬，簡直係畫龍點睛酸酸辣辣十分開胃！但呢隻辣醬都幾辣，唔食得辣嘅朋友要注意啦沙嗲串燒來講最出色嘅我覺得係雞肉，比較嫩滑，其他中規中矩。飲品方面我哋叫咗泰式奶茶同龍眼冰，泰式奶茶偏甜，龍眼冰就比較清新。整體來講味道價錢方面都唔錯，值得一試！