鳴 Fusion (已結業)

餐廳內有多款刺身、壽司、炸物、手卷、燒物、小食等等非常多選擇。蟹籽青瓜沙律食材新鮮，而青瓜絲爽口加埋蟹籽、蟹柳一齊食口感豐富，係一個唔錯嘅頭盤沙律。刺身拼盆餐廳有多款刺身選擇而且都好新鮮，有三文魚、油甘魚、吞拿魚、馬刀貝、甜蝦等等，而刺身亦好厚身，鐘意食刺身嘅一定唔好錯過啦！花之戀、蜜桃花之戀份量岩岩好一口一件，而且仲有好多沙律醬食完好滿足。金菇肥牛卷金菇肥牛呢個組合真係絕配，最重要係燒得剛剛好，金菇亦唔會過淋不過不失。燒茄子茄子肉燒得岩岩好，加埋蒜泥一齊食好惹味。燒牛舌牛舌非常厚身，食落去淋身而且好重牛味，必食。日式肥牛鍋份量唔會太多而佢個湯底好清甜，食埋肥牛真係飽到上心口。餐廳內有凍櫃可以揀選不同雪糕同雪條。仲可以自助拎不同飲品，而且佢仲有平時小見嘅冬瓜茶。整體嚟講呢間餐廳真係幾抵食。