喜膳燒

營業中

休息中

朋友帶咗我去位於尖沙咀寶勒行，一間高質抵食隱世串燒，價錢非常之親民，而且可以飲酒。海鮮選擇有扇貝同聖子，蒜蓉燒扇貝加埋粉絲，非常鮮味可口，聖子都好新鮮，調味夠濃味勁好味。白膳又肥美又彈牙，外皮香脆入面嫩滑，肉汁調味有層次感，每啖回味無窮。牛肩肉質好林好柔嫩，香濃牛肉味，調味少少辣香口惹味。佢哋嘅雞心，咬落去結實彈牙，非常之難以形容，只可以話平時食嘅呢間正好多。牛舌非常之軟熟，牛舌既香味咬落去非常之滿足，好味得來又唔會肥膩。