影片
更多
2023-10-23
112 瀏覽
今日行經尖沙咀東，見到一間點心店，突然心思思想飲杯茶食個包😁，於是決定入去食個下午茶。店舖空間感足，環境衛生整潔，座位舒適闊落。用code落單，亦可剔紙仔👍。招牌蝦餃王 $20.- 及鮮蝦燒賣 $18.-蝦餃一口一粒，皮薄蝦肉餡料足，味道鮮香。燒賣蝦肉同猪肉比例剛好，同樣皮薄，肉味香濃。蒸鳳爪 $28.-鳳爪煮得非常入味，醬汁味道香甜。叉燒腸粉 $29.-腸粉滑漏軟熟，叉燒切成細細粒，質感軟腍又有蜜糖香味，幾好食。薑蔥牛柏葉 $35.-牛柏葉煮得入味軟腍，口感爽彈帶薑蔥香味。乾炒牛河 $98.-河粉炒得乾身唔油膩，鼓油色均勻又條條分明。牛肉質感軟腍無筋，配菜有韭黃、蔥段及芽菜，味道香口又有鑊氣。蠔皇鮮竹卷 $30.-薄薄的腐皮包住滿滿的餡料，餡料豐富肉味鮮香，配埋蠔油醬汁一齊食，更添鮮味。見點餐紙可選擇茶品，價錢最平每位$5.-又無需加一收費，響尖沙咀兩個人飲茶食到飽飽，都無需$300.-，而且食物質素好，真心抵😊！
店舖空間感足，環境衛生整潔，座位舒適闊落。用code落單，亦可剔紙仔👍。
招牌蝦餃王 $20.- 及鮮蝦燒賣 $18.-
蝦餃一口一粒，皮薄蝦肉餡料足，味道鮮香。燒賣蝦肉同猪肉比例剛好，同樣皮薄，肉味香濃。
蒸鳳爪 $28.-
鳳爪煮得非常入味，醬汁味道香甜。
叉燒腸粉 $29.-
腸粉滑漏軟熟，叉燒切成細細粒，質感軟腍又有蜜糖香味，幾好食。
薑蔥牛柏葉 $35.-
牛柏葉煮得入味軟腍，口感爽彈帶薑蔥香味。
乾炒牛河 $98.-
河粉炒得乾身唔油膩，鼓油色均勻又條條分明。牛肉質感軟腍無筋，配菜有韭黃、蔥段及芽菜，味道香口又有鑊氣。
蠔皇鮮竹卷 $30.-
薄薄的腐皮包住滿滿的餡料，餡料豐富肉味鮮香，配埋蠔油醬汁一齊食，更添鮮味。
見點餐紙可選擇茶品，價錢最平每位$5.-又無需加一收費，響尖沙咀兩個人飲茶食到飽飽，都無需$300.-，而且食物質素好，真心抵😊！
張貼
