Diletto (已結業)

很久沒和另一半撐枱腳，見剛剛簽了張單，找藉口食餐好的廚師沙律羅馬生菜爽脆，新鮮，差不多每一啖都食到細細粒芝士，還有炸脆煙肉小片，鹽水魚肉片，清爽微酸的開胃頭盤。忌廉磨菇湯夠熱濃稠又香濃，有質感。皆因落了黑松露醬與松露油，餐廳係咁寫，唔大碗，但勝在好味道。今晚的重頭戲是USDA Kurobuta豬排，厚切白肉，周邊煎香再焗，食落有本身嘅豬肉味。而成吋咁厚竟出奇的嫩，唔靭無渣，腍中有咬口。還有3種醬汁選擇=紅梅醬汁，燒汁，同黃芥末醬。燒汁相信是用煎扒時流出的肉汁煮成，有效提昇肉味。我就覺火箭菜加紅梅醬汁好味，因個汁唔係好杰，火箭菜又唔苦，挺合配。芥末就偏鹹。