Another One (已結業)

有別於一般cafe，依間位於尖沙咀既cafe主打越法菜，除左甜品咖啡，仲有提供Pho及撈檬等越法美食，別具特色。裝修以奶白色及木系色為主調，亦有少量植物裝飾作點綴，當中以檸檬樹及門口咖啡牌位置最為吸睛。❀ 香茅豬扒雙色撈檬賣相好colorful，檬粉係用兩款天然食材來調色，粉藍色係用蝶豆花，而粉紅色係用紅肉火龍果。依個撈檬好啱依家咁熱既天氣食！而且配料豐富，有香茅豬扒、青瓜、蘿蔔、生菜及花生碎，再配上酸酸甜甜既撈檬汁，多重口感。香茅豬扒份量都幾多，外層微脆，肉質都幾滑嫩。❀ 原個檸檬法式芝士蛋糕外型係檸檬造型，好可愛！外層係朱古力脆皮，內裏係芝士蛋糕配柚子啫哩，食落好清新，甜而不膩。而底層既杏仁酥餅略嫌唔夠香脆，整體味道唔錯！❀ 法式聖安娜泡芙最上層有幾粒蘸上焦糖外層既泡芙，鬆脆可口，中層係雲呢拿cream，好滑而且唔太甜，而底層既酥皮都好香脆，伴碟既熱情果醬可以大大減低甜膩感。⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆👅味道：⭐️⭐️⭐️⭐️📸環境：⭐️⭐️⭐️⭐️🤵服務：⭐️⭐️⭐️💫💎CP值：⭐️⭐️⭐️💫(5⭐️為最高分)⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆