滿軒新派粵菜 (已結業)

通常飲茶都好似會去坐好耐，而且都一般去酒樓。近年來越來越多主打點心嘅餐廳，感覺比較新穎。呢度嘅點心一盅兩件，亦都可以揀四件，多人或粉人黎袋都適合。叫咗蝦餃，蝦餃好爽口，而且個皮好薄，新鮮好食！另外燒賣亦都唔錯，大大粒，脹卜卜，入邊啲豬肉都幾香，唔會太肥。仲叫咗個腸粉，開頭以為會好似炸兩咁，但係原來入邊係似炸咗嘅春卷咁。不過就偏油膩少少。另外叫咗個炒麵，呢個有驚喜，好夠火喉，而且個麵吵得好好食，通常出邊食呢一隻麵都會炒得過林，呢度炒得剛剛好，而且好有咬口，非常好食。