峇里堂

最近同朋友諗食咩諗到搲爆頭，最後喺尼泊爾菜同印尼菜中揀咗後者，兩國菜其實我都比較少食，唔知啱唔啱我口味🤣呢間峇里堂前身係峇里餐廳，紥根佐敦四十幾年，今次就大玩新派菜式~—峇里式燒豬比高 ($54)Bagel表層鋪滿chia seeds，望落都覺得皮健康😹餡料味道香濃，食落同出面嘅手撕豬肉差不多，但唔知點解食食下有碎骨，朋友咬到嗰舊骨有成半塊手指尾指甲咁大😵‍💫希望店家可以處理得更好巴東牛肉牛角包 ($50)今餐最滿意係呢個牛角包👍🏼牛角包鬆脆，巴東牛肉重香料味，十分惹味，同個包出奇地襯🥐🤣印尼風味串燒 ($33/$33/$45)我哋嗌咗雞軟骨、雞肉、特製峇里式串燒。雞軟骨有雪味，雞肉乾柴，而特製峇里式串燒其實就好似魚糕咁，同台式甜不辣有啲似，但味道就爭啲。串燒醬汁食到有沙嗲、魚露、蒜嘅味道，但我同朋友們一致認為有啲怪，可能我哋食唔慣😓印尼咖喱牛腩飯 ($62)味道中規中矩，值得一讚嘅係薯仔有煎過，口感加分！峇里堂海鮮煎 ($68)口感似平時台式蚵仔煎，海鮮份量都ok，但唔鍾意食芽菜嘅人就要避開呢碟，事關都真係啖啖芽菜😹—其實本身有嗌甜品但原來冇落單🥲我哋趕住走所以都冇再嗌過，下次有機會