影片
更多
2024-12-13
54 瀏覽
#pb食在尖沙咀 #pb西餐系列 尖沙咀新開中西Fusion菜🍽️New Restaurant Alert🚨✨Wooloomooloo扒房係尖沙咀、灣仔都有分店 開業20年都好受歡迎😍 佢最近係尖沙咀美麗華新開左間中西Fusion菜 主打燒烤菜式 並融合香港特色 幾特別😋 店內外裝修好colourful 好有藝術感👍🏻 店內環境好大 不過座位之間有少少逼🤪.Set Dinner Menu包一款前菜、一款主菜 價錢$398一位😋 散叫主食價錢$178-$888不等 唔算好平🤪 飲品方面選擇幾多 有奶昔、茶味cocktail、紅酒、白酒等👍🏻 🔹Slow Cooked Australian Sirloin Claypot Rice🐮慢煮澳洲西冷扒煲仔飯 完全係中西合璧嘅一道菜🤪 西冷扒雖然用左慢煮 但肉質好鞋 感覺好似食緊叉燒咁 麻麻地🥲 反而煲仔飯有驚喜 口感夠乾身 食到最後仲有微微飯焦😋🔹Mooo Mixed Grill🍢懶人之選🤪 呢個招牌MOOO燒烤拼盤包左澳洲封門柳、香料豬肉腸、烤雞串、醋漬沙律 份量足夠2-3人share食🥰 封門柳肉質好粉嫩、好淋 牛味好濃 叫5成熟剛剛好😋 烤
尖沙咀新開中西Fusion菜🍽️
New Restaurant Alert🚨✨
Wooloomooloo扒房係尖沙咀、灣仔都有分店 開業20年都好受歡迎😍 佢最近係尖沙咀美麗華新開左間中西Fusion菜 主打燒烤菜式 並融合香港特色 幾特別😋 店內外裝修好colourful 好有藝術感👍🏻 店內環境好大 不過座位之間有少少逼🤪
.
Set Dinner Menu包一款前菜、一款主菜 價錢$398一位😋 散叫主食價錢$178-$888不等 唔算好平🤪 飲品方面選擇幾多 有奶昔、茶味cocktail、紅酒、白酒等👍🏻
🔹Slow Cooked Australian Sirloin Claypot Rice🐮
慢煮澳洲西冷扒煲仔飯 完全係中西合璧嘅一道菜🤪 西冷扒雖然用左慢煮 但肉質好鞋 感覺好似食緊叉燒咁 麻麻地🥲 反而煲仔飯有驚喜 口感夠乾身 食到最後仲有微微飯焦😋
🔹Mooo Mixed Grill🍢
懶人之選🤪 呢個招牌MOOO燒烤拼盤包左澳洲封門柳、香料豬肉腸、烤雞串、醋漬沙律 份量足夠2-3人share食🥰 封門柳肉質好粉嫩、好淋 牛味好濃 叫5成熟剛剛好😋 烤雞串微微用香料烤過肉質依然好滑👍🏻 不過豬肉腸就差少少 肉質偏實 有少粉鞋🥲
🔹Creamy Spinach🥬
其中一款side dish😋 落左好多忌廉去煮呢個菠菜 簡單得黎幾好食😍
🔹Prawn Toast🦐
同印象中嘅蝦多士好唔同🤪 佢份量偏少 得3條 $98唔太抵食🥲 味道唔錯 咬落幾鬆脆 而且仲有啖啖蝦肉👍🏻
🔹Virgin Peach Colada🥥
推介❤️ 入面有椰奶、菠蘿、蜜桃汁😋 就算加左椰奶口感都唔會好厚身👍🏻 味道甜甜地 好易入口 可以解油膩感😍
🔹Red Bean Shake🥛
推介❤️ 用牛奶樽裝住奶昔好懷舊🤪 奶昔幾厚身 呢款好似飲緊紅豆冰 唔會好甜👍🏻
.
整體✨ 著名扒房Wooloomooloo最近係美麗華廣場開設分店 主打中西Fusion菜😍 食物質素中規中矩 價錢唔算好平 反而飲品比較有驚喜👍🏻 大家可以考慮去試下 試完再話我感覺如何🤪
MOOO! (尖沙咀)
尖沙咀彌敦道132號美麗華廣場1期3樓301及305號舖
張貼
