影片
更多
2022-08-19
540 瀏覽
尖沙咀新開左一間英國炸魚薯條店叫The Chippy @thechippyhk 佢嘅位置喺the one 對面新開個food court入面，門面到入邊嘅裝潢都走英國風🇬🇧真係離遠都睇到呀。講開炸魚薯條，實不相瞞, 其實我想當年去New Zealand working holiday做嘅其中一份工作就係炸魚薯條店，我就係正正要負責幫手炸魚同炸薯條😜Time flies, 諗返都覺得好懷念啊。。。我好想返New Zealand 呀💛🥹講返呢度先，所以我對Fish and chips都有少少要求，炸魚外邊嘅炸粉漿要開得靚，咁樣炸得先夠薄要夠脆，入面嘅魚肉要保持嫩滑，而炸薯條我記得當年我老闆教我要炸兩次，第一次係要慢慢炸到熟，第二次大火再炸就係要將薯條入面啲油逼番出嚟咁樣啲薯條先至夠脆又唔會有油益味，我就按住呢個標準去試吓呢一間英式炸魚薯條店啦😋我個炸魚薯條套餐係有一件12安士炸魚柳，真係好大塊，仲大塊過我塊面🤣炸魚柳嘅外皮真係炸得又薄又脆，香脆度方面我都俾到9個脆，而且仲成功將魚肉嘅肉質同埋溫度鎖住，我坐個位咁啱係冷氣風位，係咁比冷氣吹住，但作為Foodie嘅我又要係咁影相，影咗一段時間，
講開炸魚薯條，實不相瞞, 其實我想當年去New Zealand working holiday做嘅其中一份工作就係炸魚薯條店，我就係正正要負責幫手炸魚同炸薯條😜Time flies, 諗返都覺得好懷念啊。。。我好想返New Zealand 呀💛🥹講返呢度先，所以我對Fish and chips都有少少要求，炸魚外邊嘅炸粉漿要開得靚，咁樣炸得先夠薄要夠脆，入面嘅魚肉要保持嫩滑，而炸薯條我記得當年我老闆教我要炸兩次，第一次係要慢慢炸到熟，第二次大火再炸就係要將薯條入面啲油逼番出嚟咁樣啲薯條先至夠脆又唔會有油益味，我就按住呢個標準去試吓呢一間英式炸魚薯條店啦😋
我個炸魚薯條套餐係有一件12安士炸魚柳，真係好大塊，仲大塊過我塊面🤣
炸魚柳嘅外皮真係炸得又薄又脆，香脆度方面我都俾到9個脆，而且仲成功將魚肉嘅肉質同埋溫度鎖住，我坐個位咁啱係冷氣風位，係咁比冷氣吹住，但作為Foodie嘅我又要係咁影相，影咗一段時間，當我切落去果下中間仲係冒煙好够熱㗎，你就知呢舊魚炸得好好，真真正正做到外脆內嫩😍
而且佢嘅魚柳選用頂級北大西洋鱈魚，所以就算咁大塊，佢嘅肉質都係好嫩滑唔覺得鞋，我欣賞佢嘅炸魚柳吖，正呀喂！👍💛.
薯條方面，佢係炸粗身薯條，外表炸得金黃都幾脆唔會有油益味，唔通佢又係用咗想當年我老闆教我嘅炸2次方法逼返啲油出嚟？😂而且薯條配咗五款醬汁，有茄汁，醋，咖喱醬，牛肉燒汁同埋青豆醬，對我來講好新鮮，同我想當年做炸魚薯條店嘅醬汁好唔同，我記得當年喺紐西蘭主要嘅醬汁係他他醬，蛋黃醬同茄汁，佢呢度除左都有提供茄汁，其他醬汁都好唔同，果然係好英式嘅風味，佢嘅咖喱醬少少甜有啲似日式咖喱，
牛肉燒汁偏鹹呢個我幾鍾意，
青豆醬比較清新同埋清淡，我就覺得一般夾薯條，反而我就咁空口食都可以😆
.
我哋仲試埋佢嘅洋蔥牛肉批，同行嘅朋友表示好欣賞佢呢個批，我都覺得唔錯，中間係滿滿嘅洋蔥同牛肉，個味道唔錯出面嘅酥皮都焗得幾好。
.
去開尖沙咀嘅話嚟呢度試一下英式風味嘅炸魚薯條都唔錯呀，不過食完炸嘢記得飲返啲涼茶就冇咁熱氣啦哈哈😜😜😜
📍The Chippy
尖沙咀加連威老道46-48號恆隆銀行大廈地下8號舖
張貼
