影片
更多
2023-08-25
763 瀏覽
最近試咗一間位於K11嘅韓燒店，超有驚喜🤩 本身我唔係特別鍾意食韓燒，因為好少可喺香港食到好食嘅韓燒，但呢間餐廳絕對入到我嘅韓燒top 3😎 同埋佢嘅性價比幾高下，嗌2人餐都係$300幾🤪🌟 精選2人燒烤牛肉套餐 $338。 極級霜降肉 推❗️餐廳將肉捲成玫瑰花造型，打卡夠哂靚🤩 霜降肉色澤鮮紅，油脂分布均勻，食落牛味好濃😌 一啲筋都冇，點少許鹽食就最正！。 牛膈肌同樣係玫瑰花造型嘅牛膈肌，食落就較軟腍，而且好似有少少調咗味咁，同樣都好好食😋。 牛肋骨牛肋骨會有少少肥膏痴住，不過餐廳有鉸剪提供，好輕鬆就可以剪走啲肥肉，雖然食落油脂重啲，但肉質都係軟腍好食嘅，夾埋啲蔬菜一齊食就啱啱好😝。 韓式調味牛肋骨肉呢個調咗味嘅牛肋骨肉都好正🥹 牛肋骨肉醃得勁入味，口感有嚼勁得嚟又唔會韌，本身佢係一大塊肉，建議燒完剪開細細塊，方便進食🙌🏻。 菠蘿呢度嘅菠蘿切到一口size，非常貼心，而每舊都超甜超多汁，好好食！。 秘製特級牛舌呢個餐仲包咗其他肉可以嗌，我哋揀咗牛舌，佢呢度嘅牛舌大大塊，有一定厚度，食落幾爽口，而且牛味超濃郁🤤。 芝士紫菜飯卷伴生牛肉 +$18 推❗️另外，我哋仲加咗少少錢要呢個紫菜飯
🌟 精選2人燒烤牛肉套餐 $338。 極級霜降肉 推❗️
餐廳將肉捲成玫瑰花造型，打卡夠哂靚🤩 霜降肉色澤鮮紅，油脂分布均勻，食落牛味好濃😌 一啲筋都冇，點少許鹽食就最正！
。 牛膈肌
同樣係玫瑰花造型嘅牛膈肌，食落就較軟腍，而且好似有少少調咗味咁，同樣都好好食😋
。 牛肋骨
牛肋骨會有少少肥膏痴住，不過餐廳有鉸剪提供，好輕鬆就可以剪走啲肥肉，雖然食落油脂重啲，但肉質都係軟腍好食嘅，夾埋啲蔬菜一齊食就啱啱好😝
。 韓式調味牛肋骨肉
呢個調咗味嘅牛肋骨肉都好正🥹 牛肋骨肉醃得勁入味，口感有嚼勁得嚟又唔會韌，本身佢係一大塊肉，建議燒完剪開細細塊，方便進食🙌🏻
。 菠蘿
呢度嘅菠蘿切到一口size，非常貼心，而每舊都超甜超多汁，好好食！
。 秘製特級牛舌呢個餐仲包咗其他肉可以嗌，我哋揀咗牛舌，佢呢度嘅牛舌大大塊，有一定厚度，食落幾爽口，而且牛味超濃郁🤤
。 芝士紫菜飯卷伴生牛肉 +$18 推❗️另外，我哋仲加咗少少錢要呢個紫菜飯卷，一開頭見到係生牛肉都驚自己食唔慣，但食落又幾ok喎，生牛肉調咗味，軟腍嘅口感夾埋炸過嘅紫菜包飯一齊食出奇地夾，加上檸檬汁更加fresh，值得一試☺️
。 水果梳打呢個套餐仲包埋嘢飲，我哋分別嗌咗柚子梳打同荔枝梳打，飲果味嘅梳打配燒肉就最啱不過，可以解油膩之餘仲好啱夏天飲！
除咗套餐之外，我哋仲嗌咗以下嘅配菜。
🌟 大蝦伴烤雜菜及蘑菇拼盤 $88呢個拼盤嘅種類勁豐富，有翠玉瓜、三色椒、茄子同唔同嘅菇類，仲有4隻蒜蓉大蝦，肉質爽口彈牙，店家𠝹開咗一半，更容易睇到入面熟未，非常貼心！
🌟 蒜蓉牛油煮大蜆 $68呢個大蜆本身已經熟咗，只需要輕輕放喺爐面烘返熱就食得！食落蒜蓉同酒味重啲，牛油味就唔算太出，但都唔錯，如果份量再多返少少就更好😌
🌟 韓式醬油醃生蟹 $208最後，我哋仲嗌多咗份醬油蟹，一隻嘅價錢嚟講算抵食，蟹膏幾多下，食落鹹鮮，佢嘅醬油係偏甜少少，酒味唔算太重，啱哂我哋口味，記得加多$15要埋紫菜飯，蟹膏撈飯絕配😎
張貼
