金牌小龍 (已結業)

好耐冇去尖沙咀isquare睇戲放工後時間緊迫 就決定係商場入面食埋晚餐🥣-見到呢間金牌小龍好似新開門口望入去環境不差 而且價錢超抵❗️就決定食你啦-今次兩個人嗌左：萵筍絲🥒 白菜水餃🥟 炸雞卷🍖酸辣湯麵🍜 肉絲蛋炒飯🍲萵筍絲朋友覺得好好食 爽口得來酸酸地十分開胃但因為我一直以為係清炒 所以當發現係涼拌嘅時候覺得好失望😞-水餃皮做得幾出色 似係自家發酵 所以有口感得黎不會太厚 好有東北餃子味道-炸雞卷我就真係比較一般🤦🏾‍♀️因爲個人覺得太重口味太油膩 但我朋友又覺得好香口好有層次wor💁🏾‍♂️ 所以呢一味我會覺得見人見智-酸辣湯麵我冇試到因為唔食得辣 我朋友話味道好正宗 好正-炒飯反而係我最鍾意嘅一道 因為佢炒得好清爽好乾身 每粒飯都係粒粒分明 味道適中-佢仲會每一張枱提供一壺普洱茶 有加分👍🏻但啲服務態度就真係不予置評😅不過整體來說 呢間食店都性價比都🉑