肉搏食堂 (已結業)

依間位於厚福街既餐廳主打日式丼飯，提供多款肉類及魚生丼，仲有小食及飲品～以白色為主調，設計簡約，環境唔算大，但有幾張較大既雲石高枱好啱打卡～❀ 角切魚生丼 🐟好豐富既丼飯😍 有三文魚、吞拿魚、油甘魚、牛油果及蟹子，上面仲有隻生雞蛋，賣相好吸睛✨ 魚生幾新鮮，蟹子份量又多，口感好豐富，配埋蛋汁令味道更香滑～❀ 香煎頂級牛肉配海膽丼 🐮一片片粉嫩既牛肉鋪滿係飯上，面頭仲有海膽，好足料✨ 食落牛味濃郁，煎得香口，幾有口感。海膽夠creamy而且唔會腥，配埋燒肉汁撈飯食唔錯，如果多點醬汁會更加惹味❀ 日本雞軟骨棒餃子 🥟有四件餃子，外皮煎得香脆，會食到粒粒雞軟骨，好有口感😋 旁體仲有椰菜絲配胡麻醬，清新爽口❀ 玫瑰荔枝梳打 🌹依間既飲品真係好啱打卡📸 紅色漸層色加上乾花裝飾，杯面上仲有一支荔枝串串，好靚💕 飲落有香濃荔枝味，亦有玫瑰花香，啖啖都食到荔枝肉，酸酸甜甜，清爽解膩❀ 紫薯鮮奶 🍠賣相都好吸引😍 紫薯味突出，仲有食到紫薯粒粒，配埋牛奶味道好夾，唔會太甜膩👍🏻