牛匠石燒 (已結業)

今日同事請食晚飯，慶祝佢升職，一齊嚟食燒肉開心吓。牛蒡食個前菜先，爽脆加上少少醬汁同埋好香嘅芝麻，健康又好味。安格斯牛小排首先燒熱咗塊熱石先，上面鋪咗牛油紙，唔怕會燒燶，燒熱之後就將牛嘅脂肪均勻咁在牛油紙上掃，為牛油紙搽上油，就可以開始燒肉。安格斯牛小排油花分佈得幾靚，牛小排厚薄適中，食落有牛肉味又有牛油香，一啲都唔會韌。生菜蒜片用生菜加蒜片夾住燒肉食，再加少少燒汁放牛小排，爽口又惹味。無激素雞頸肉啲職員服務都幾好，會不時過嚟教我哋點燒，加燃料，同埋會幫我哋換黑咗嘅牛油紙。同事話想食啲特別啲嘅肉嘅部位，佢揀咗雞頸肉，每隻雞只有好少嘅雞頸肉，所以呢一碟已經用咗唔知幾多隻雞。雞頸肉比想像中冇咁肥膩，只帶一點點的肥膏但燒熟之後便消失，加啲蒜片一齊落去燒，特別香口，啲雞肉有幾有雞味，中間有條根，少少咬口彈牙。鹽蔥燒牛舌盛丼呢個丼幾有驚喜，賣相吸引，材料好豐富。除咗牛是主角之外，用來拌飯的有紫菜絲，紅蘿蔔絲，蔥絲，櫻花蝦，大豆芽菜，泡菜等，加埋隻超靚糖心蛋，口感豐富又美味。燒牛舌亦有水準，薄薄的一片，口感爽得來軟腍。牛匠彩虹水果茶食燒肉飲凍飲真係好舒服，呢杯水果茶除咗打卡之外，亦都好好飲，真材實