鬼金棒牛骨辣麻拉麵

營業中

休息中

真係好鍾意食拉麵！今次去另一間鬼金棒食拉麵😋行入呢間餐廳係因為又俾他們的日本風格鬼怪公仔吸引到我🤪。細心一睇，原來佢哋專賣拉麵😍，令我更加期待！呢度嘅拉麵辣度由不辣到鬼增辣，共有五個級別。「鬼增」級係最極限嘅挑戰🥵，更有五級麻度，可以自由配搭，總共有25種辣麻程度，真係非常刺激！我當晚想食清清地，所以叫咗✨叉燒牛骨湯拉麵🍜。呢碗拉麵配上洋蔥、香蔥、玉米筍、牛筋同叉燒，叉燒大大舊而且好腍，肉質鮮嫩到令人滿足！拉麵則係粗身彈牙，每條麵條都吸晒湯汁，牛骨湯頭如牛奶般絲滑，飲落去真係好正🤤。接著，我試咗✨味玉麻辣味噌拉麵。呢碗拉麵結合咗味噌湯底同麻辣，湯底濃郁又有火辣感，真係辣到令人驚喜！味玉蛋有少少流心，蛋黃融入辣麻湯底，口感滑順，令人忍不住想再加多一碗😋。另外，我仲叫咗✨秘制醬汁慢煮牛筋，呢道菜真係必食！牛筋煮得好腍😍😍，口感超級好。相比起港式炆牛腩的五香料，呢度嘅牛筋充滿咗秘制醬汁的獨特味道，令人一試成主顧😚。最後，當然要試下✨煎餃。煎餃嘅餃子皮非常脆，裡面塞滿咗肉汁，一口咬落去，肉汁瞬間爆出，實在滿足。