映月樓

營業中

休息中

尋晚朋友大壽，諗住擺番圍食大佢，有朋友建議文化中心的映月樓，貪佢有靚景。點知訂位話冇得指明窗口位，已經唔順超，點知服務員一致惡劣的態度，絕對令人嬲到爆炸！訂位8:30，齊人差唔多九點，點菜叫1,988 十二位的龍蝦宴，問個女經理信用卡優惠時，佢嘅態度已經顯得有點不耐煩。餸黎到，大碟，但係水準一般，開頭都仲ok，去到中後段唔知係咪趕收工，菜的質素每況愈下......食大約十點，走剩我地一枱，班待應已經喺度搬枱搬椅，女經理大大聲吩咐下屬，仲暗示我地張枱未走阻住佢閂唔到塊屏風。時為十時零幾分，女經理突然自發捧出蛋糕，喺後面講：「同我攞d碟出黎，而家切蛋糕。」喂，我地幾時話過要切蛋糕呢？而家你指示我地?快d食完，唔該唔好阻住？於是我們發難，問女經理你係咪好趕收工。女經理寸過碼頭咕喱:「唔趕，我地唔趕。」跟住就吩咐將我地的蛋糕放埋一邊。但我地堅持要佢放番落雪櫃，直至另行通知。其實喺呢個時候，分別有兩枱外藉人士入黎食飯，即係根本就未收工啦！我地跟本唔會理佢，一直食到11點幾先走，又影相又唱歌又盛，你吹得我漲咩？埋單2xxxx，香港旅遊業有呢種服務員，真係多得佢唔少。