飽飽雲吞麵 (已結業)

去尖沙咀當然要去厚福街揾食啦，最近剪完頭髮就去左【飽飽雲吞麵】食下午茶。最平既魚蛋粉/雲吞麵都只係$28起，可能係尖沙咀最平粉麵店、宜家呢個時勢真係係邊到揾？下午茶仲有特價粉麵或者茶餐、連飲品。原汁牛腩河：本身想叫崩沙腩但未有、所以叫左牛腩河。牛腩分量算好多、炆得好軟霖同入味。河粉分量超多，腩汁湯底好惹味。炸鷄髀配薯條半份西多：新鮮炸起、炸鷄髀用香茅腌左好惹味、肉質好juicy。半份西多外脆内軟、唔會好油。凍檸賓：呢個係特飲要加$10，唔會冲得太淡。