GALBI TOWN

營業中

休息中

如果你鍾意食高質韓牛，真係一定要試下尖沙咀嘅 Galbi Town！呢間韓式燒肉餐廳地方超大，枱與枱之間嘅距離好闊落，完全唔會逼迫，環境又光猛又舒服，仲可以預訂私人房，約埋朋友一齊嚟聚餐，氣氛一流！ 講返食物，呢度專注做高質韓牛，今日試咗佢兩款明星菜式：韓牛新鮮肉眼扒同韓牛新鮮板腱肉。肉眼扒嘅油脂分布均勻，厚切嘅口感真係無得頂，每一啖都充滿濃郁牛味！職員仲幫手專業燒烤同剪開，真係唔洗自己煩。至於板腱肉，雪花分布更加靚，牛脂豐富，燒起嚟卜卜聲，香味四溢，入口即化，呢種享受真係無得輸。 食燒肉點少得包肉蔬菜，佢嘅配菜盤包括生菜、紫蘇葉、青瓜、蘿蔔同青椒等等，全都非常新鮮，夾埋重牛味嘅韓牛一齊食，真係完美配搭！仲有韓式小菜，包括清新沙律同蕃茄他他菜，無論解膩或者開胃都一樣咁正。 另外仲試咗佢嘅鐵板炒辣豬肉配水冷麵套餐，炒辣豬肉香辣惹味，上枱熱辣辣，配埋冰涼彈牙嘅水冷麵，份量十足，真係好滿足。當然，最後一定要叫返兩支啤酒，燒肉配啤酒，人生無憾！