花丸 (已結業)

今日天氣咁凍 同朋友尖沙咀Christmas Shopping 完朋友仔話肚餓 想食日本野又想食燒肉咁岩我地行到尖沙咀的「韓國街」寶勒巷個邊見到一間餐廳叫「花丸」滿足到我地兩個要求～一入到去餐廳好大好光猛乾淨 完全唔同一般的日本燒肉餐廳我地叫左個御好燒黎大顯身手 都幾足料架首先就撈哂啲料 然後平舖喺個爐到再放豬肉上面 隔幾分鐘就反一反 都幾易整其實係反個到要考一考功夫 一不小心好易爛再黎叫左燒肉 我地燒豬！以為佢一大塊咁上 我地燒完要自己切但睇真啲 原來佢好貼心咁幫我地切好左燒完可以即刻放落口食～我地仲叫左個雜菜黎燒！落牛油燒金菇真心正架！