Library Restaurant and Bar

營業中

休息中

今日同媽媽一齊去尖沙咀行街食野。之前睇過有間少有名氣嘅樓上餐廳  Library Restaurant and Bar.今日就去左一試。餐廳喺文遜大廈3/F,一出𨋢就見到餐廳入口，門口裝修好有神秘感！仲有梳化比等位嘅食客等候，相當貼心。我地叫左兩個set lunch包飲品同沙律/湯 share。是日餐湯係南瓜湯配香脆麵包片，飲落綿滑，有好香甜嘅南瓜味。沙律係醃三文魚沙律，味道清新，配上黑醋，非常開胃。主菜其中一個叫左 煙花女茄汁海鮮意大利粉，配料有兩隻大蝦，魷魚等海鮮。落單時店員仲有問意粉需唔需要煮諗d，照顧唔同人嘅需要。 意大利粉叫左煮諗d嘅但都夠咬口，食落唔會太粉，茄汁香濃厚身，每啖都食到蕃茄嘅惹味。另一個叫左 烤豬鞍牛油薯蓉香菇忌廉汁，烤豬鞍整得非常好食，肉質嫰滑，脂肪分佈平均。牛油薯蓉香滑，配菜仲有蘆荀。 Set包嘅餐茶係熱情果茶，有凍熱揀。飲落清新，有啖啖熱情果香味，應該冇再額外加糖。另一杯加配Iced Mocha. 朱古力同咖啡比例啱啱好，夠香濃。餐廳仲設有室外座，見唔少食客都邊打卡邊品嚐。