石亭居酒屋

營業中

休息中

今晚收工同個朋友去尖沙咀食飯，揀左黎呢間居酒屋。前菜叫左墨作螢光魷魚。魷魚份量好多，配既醬汁酸酸甜甜，魷魚咬落彈牙，係道好開胃既前菜。七味燒魚翅。味道帶甜，魚乾加上沙律醬味道一流！跟住就係刺身拼盤，分別有三文魚、吞拿魚赤身、油甘魚、帶子、海膽同牡丹蝦。全部都係厚切，感覺啖啖肉，超爽。下面仲有冰粒令刺身保持冰涼。海膽超creamy！居酒屋又點可以唔點燒物，分別點左雞皮、雞軟骨仲有蘆筍牛肉卷。雞皮超脆，食落又唔油膩。雞軟骨食落夠曬爽，每啖都好有咬口，雞味都好濃郁！食左咁多肉有啲蔬菜調劑下都好重要，有蘆筍就啱曬，同外面既豬肉片一齊燒，令口感同味道都好豐富。最後係網燒牛小排，顏色鮮豔，就知道燒得啱啱好喇。油脂分佈比較均勻，而且食落好有油感，牛肉味夠曬重，旁邊既伴碟海草都非常高質。呢度細細間，大概可以坐二十人左右，有吧枱有正常枱，好有feel既居酒屋。