影片
更多
2023-05-09
142 瀏覽
-麻吉灶咖 🥢上星期同朋友去朝聖新開台灣菜位於K11 Art Mall 係上個月先新開 少有高質台菜 款式種類多 創意料理都唔少🐣墨汁鹽酥雞配三文魚籽（$92）咁多款入面 個人最中意就係呢一道鹽酥雞係包住左墨汁先炸 所以外層黑黑的中意呢個鹽酥雞炸粉好薄 所以外酥內嫩而最特別既係秘製美乃滋醬同三文魚籽做調味令成道菜香口得黎 又有淡淡既鹹鮮味食完亦都唔怕會口渴 真心值得一試!🥩紅燒牛肉麻婆豆腐拌麵（$108）本身睇到餐牌張相覺得好吸引就嗌左結果! 食落都真係幾唔錯 中意佢夠惹味可以同時食到紅燒牛肉同麻婆豆腐個刀削麵都好掛到汁 唔錯呢🥢滷水大腸麵線（$58）蚵仔麵線都好有台灣特色 大腸都整得入味又唔怕會有異味個人覺得如果蒜味再多D就更加完美不過食開冇咁重口味既人應該會覺得岩岩好!🥢麻吉滷肉飯（$52）滷肉飯既精髓就係入味既豬肉碎混肥膏呢度將2者既份量都拿捏剛好 滷肉油香味濃!🦪蚵仔煎配海山醬（$78）蚵仔既份量係好足料 加埋嫩滑炒蛋每啖都食到鮮味蚵仔 而且口感豐富配上海山醬 可以講係同台灣既味道係接近一樣!🦑小砂鍋三杯魷魚（$148）三杯雞就食得多 但係三杯魷魚就未食過聞落係幾惹味 不過重
麻吉灶咖 🥢
上星期同朋友去朝聖新開台灣菜
位於K11 Art Mall 係上個月先新開
少有高質台菜 款式種類多 創意料理都唔少
🐣墨汁鹽酥雞配三文魚籽（$92）
咁多款入面 個人最中意就係呢一道
鹽酥雞係包住左墨汁先炸 所以外層黑黑的
中意呢個鹽酥雞炸粉好薄 所以外酥內嫩
而最特別既係秘製美乃滋醬同三文魚籽做調味
令成道菜香口得黎 又有淡淡既鹹鮮味
食完亦都唔怕會口渴 真心值得一試!
🥩紅燒牛肉麻婆豆腐拌麵（$108）
本身睇到餐牌張相覺得好吸引就嗌左
結果! 食落都真係幾唔錯 中意佢夠惹味
可以同時食到紅燒牛肉同麻婆豆腐
個刀削麵都好掛到汁 唔錯呢
🥢滷水大腸麵線（$58）
蚵仔麵線都好有台灣特色
大腸都整得入味又唔怕會有異味
個人覺得如果蒜味再多D就更加完美
不過食開冇咁重口味既人應該會覺得岩岩好!
🥢麻吉滷肉飯（$52）
滷肉飯既精髓就係入味既豬肉碎混肥膏
呢度將2者既份量都拿捏剛好 滷肉油香味濃!
🦪蚵仔煎配海山醬（$78）
蚵仔既份量係好足料 加埋嫩滑炒蛋
每啖都食到鮮味蚵仔 而且口感豐富
配上海山醬 可以講係同台灣既味道係接近一樣!
🦑小砂鍋三杯魷魚（$148）
三杯雞就食得多 但係三杯魷魚就未食過
聞落係幾惹味 不過重口味既我覺得再鹹D會更正!
🦆台灣直送麻辣鴨血（$68）
只要見到有鴨血就一定會豪不猶豫點下去
好彩都冇令人失望 個麻辣汁係好似火鍋一樣咁濃郁!
🍨手作鳳梨脆脆酥配抹茶冰淇淋（$78）
顆粒鳳梨 + 脆脆酥 + 抹茶雪糕 = ✨
甜甜鹹鹹 食完濃味野可以清一清口腥 都幾清新
🍵四季春芝士奶蓋（$42）
🍵鳳梨烏龍冷泡茶（$38）
2款既茶底都係較為清香
特別欣賞個芝士奶蓋 質感綿滑 芝士味好突出
張貼
