影片
更多
2024-10-24
311 瀏覽
餐廳位置旺中帶靜，其實幾近地鐵站，行過嚟都好快。而座位都好闊落，所以眼見周圍都好多情侶或者一大班人嚟聚會，仲有啤酒俾大家小飲怡情。‣ Set dinner for two $688· Soup with bread椰菜花湯幾得意，湯底濃稠，唔知以為係海鮮白湯，但係飲落又可以感受到椰菜花嘅清甜，相當健康。雖然第一次飲，但係都幾鍾意。而湯搭配蒜蓉包食一流，好適合將包浸落去入面。· 脆炸魷魚柚子雜菜沙律魷魚炸得金黃酥脆，而我嘅欣賞嘅係佢啲魷魚唔油膩，唔會有一種𠝹口嘅感覺，而柚子嘅酸甜又可以突顯到魷魚嘅味道。蔬菜都好脆嫩，食落去好清爽好舒服。· 卡邦尼意大利粉我幾鍾意佢意粉嘅口感，啱啱保持到有啲嚼勁，唔會太過淋身。芝士味都相當之香濃，啲煙肉就啱啱好，唔會過鹹，又唔會淨係得奶香咁單調。醬汁調味都相當唔錯，唔會太稀又唔會太濃，放耐咗又唔會覺得好鹹，真係好啱一班人聚會嗰陣時食。· 炭燒法式豬鞍架伴紅桑子汁豬鞍相當出色，外層帶焦香，入邊嘅肉相當多汁嫩滑，一啲都唔嚡口。炭燒嘅味道都令到成碟菜式更上一層樓。紅桑子嘅酸酸甜甜唔單止解膩，果香同豬肉嘅鹹香互相交織，令到個味道更加平衡，好推薦大家試吓。· Des
‣ Set dinner for two $688
· Soup with bread
椰菜花湯幾得意，湯底濃稠，唔知以為係海鮮白湯，但係飲落又可以感受到椰菜花嘅清甜，相當健康。雖然第一次飲，但係都幾鍾意。而湯搭配蒜蓉包食一流，好適合將包浸落去入面。
· 脆炸魷魚柚子雜菜沙律
魷魚炸得金黃酥脆，而我嘅欣賞嘅係佢啲魷魚唔油膩，唔會有一種𠝹口嘅感覺，而柚子嘅酸甜又可以突顯到魷魚嘅味道。蔬菜都好脆嫩，食落去好清爽好舒服。
· 卡邦尼意大利粉
我幾鍾意佢意粉嘅口感，啱啱保持到有啲嚼勁，唔會太過淋身。芝士味都相當之香濃，啲煙肉就啱啱好，唔會過鹹，又唔會淨係得奶香咁單調。醬汁調味都相當唔錯，唔會太稀又唔會太濃，放耐咗又唔會覺得好鹹，真係好啱一班人聚會嗰陣時食。
· 炭燒法式豬鞍架伴紅桑子汁
豬鞍相當出色，外層帶焦香，入邊嘅肉相當多汁嫩滑，一啲都唔嚡口。炭燒嘅味道都令到成碟菜式更上一層樓。紅桑子嘅酸酸甜甜唔單止解膩，果香同豬肉嘅鹹香互相交織，令到個味道更加平衡，好推薦大家試吓。
· Dessert of the day
藍莓芝士份量啱啱好，作為甜品嚟講味道唔會太厚重。而香芋雪糕相對之下就比較清新，兩個一齊叫嚟食就啱啱好相輔相成，唔會覺得好大負擔。
· Drinks
如果唔係天氣好熱，我應該會試吓洋甘菊茶，天氣熱都係嗌返凍檸茶最啱我胃口。
張貼
