影片
更多
2023-03-18
13 瀏覽
朋友話想食啲特別嘅嘢，所以今次專程搵咗一間西班牙菜試下。見到live band嘅舞台，好可惜當日沒有表演嘉賓。首先每日會送上welcome drink, 粉紅色嘅cocktail用咗試管嘅設計，直程可以見到試管上面嘅刻度，真係幾有特色。值得一提佢哋會提供一支幼長嘅叉比你分配食物，玩味十足。Crab Meat Tortilla $98依款其實係蟹肉奄烈，蛋兩邊煎開又唔會太老，內層蟹肉鮮甜又濕潤。炸薯粒配溫泉蛋Patatas Bravas $89薯粒炸到好香脆，內層綿密嘅薯肉，食之前可以攪拌溫泉蛋，所以一啲都唔會乾。Crazy Heavy Veggies Plate $88呢款其實係西班牙嘅洋蔥天婦羅，不過佢哋嘅炸皮相對厚身，再加入咗芝士、粟米、同埋脆片，味道咸香餸酒一流。Blue Belly Shrimps& Clams Paella $328食得西班牙菜，一定唔少得Paella。佢哋就跟足傳統用咗鐵鑊去煮，飯粒粒粒金黃色，淨係睇個賣相已經好吸引。主角當然係蜆肉同埋藍蝦，藍蝦雖然細細隻，但係估唔到異常鮮甜，好值得一試。古巴三文治 Cuban Sandwich $128三文治包身預先烘到好
Crab Meat Tortilla $98
依款其實係蟹肉奄烈，蛋兩邊煎開又唔會太老，內層蟹肉鮮甜又濕潤。
炸薯粒配溫泉蛋Patatas Bravas $89
薯粒炸到好香脆，內層綿密嘅薯肉，食之前可以攪拌溫泉蛋，所以一啲都唔會乾。
Crazy Heavy Veggies Plate $88
呢款其實係西班牙嘅洋蔥天婦羅，不過佢哋嘅炸皮相對厚身，再加入咗芝士、粟米、同埋脆片，味道咸香餸酒一流。
Blue Belly Shrimps& Clams Paella $328
食得西班牙菜，一定唔少得Paella。佢哋就跟足傳統用咗鐵鑊去煮，飯粒粒粒金黃色，淨係睇個賣相已經好吸引。主角當然係蜆肉同埋藍蝦，藍蝦雖然細細隻，但係估唔到異常鮮甜，好值得一試。
古巴三文治 Cuban Sandwich $128
三文治包身預先烘到好香脆，加入咗火腿、半溶芝士、慢煮豬肉同埋秘製醬汁，好惹味。
Caledonia blue prawns $168
蝦肉爽口彈牙，非常鮮甜。
Masala Chicken Lollipop $88
用左Masala去醃製雞小髀，外皮炸香又有少少辣，一咬開又好多肉汁。
Churros Ball with chocolate $88
平時出面食嘅西班牙油炸鬼都係長條狀，咁好特別佢哋整成球形，食落有好香嘅玉桂粉味道，再加上朱古力雪糕，真係圓滿嘅一餐。
LAVA (尖沙咀)
尖沙咀金巴利道45至47號金巴利廣場4樓
張貼
