葡匯咪走雞葡國餐廳 (已結業)

好中意試D特別嘅菜式，葡萄牙菜我除左葡撻之外都無試過其他😂，咁o岩搵到呢間葡萄牙餐廳，就同朋友來食。里斯本沙律呢個葡式沙律好特別，除左一般嘅沙律蔬菜，仲有芝士同埋好似係西莓，仲有啲甜甜酸酸嘅果乾，口感同味道都好豐富。白呠燴雞雞肉煎得幾好，而且大塊又嫩滑，個醬都整得好好味，裡面仲有西芹、薯仔同蘿蔔。呢個菜仲配埋麵包比你可以點醬食！乳豬乳豬個皮好脆，無中式乳豬醃得咁濃味，味道唔錯！旁邊個飯好似西炒飯，不過裡面係有臘腸。葡式西多士多士炸得幾鬆脆，外面鋪滿玉桂粉同糖，好甜，但配埋酸酸地嘅士多啤梨同藍莓，中和返個甜味。咖啡雪糕咖啡雪糕上面鋪滿花生同朱古力碎，苦中帶甜，好食！雪糕上檯嘅時候，餐廳會擺乾冰係下面，然後有好多氣會冒出來，呢個時候係打卡嘅好機會！葡式咖啡呢度嘅咖啡係葡式濃縮咖啡，有好多款式，係餐廳出面有得賣，我試左三種，咖啡味好香濃。比較特別係其中一種係decaf，無咖啡因。